Útsaumsmynd

1913

In preservation at

Útsaumsmynd, gerð af Þorbjörgu Þórarinsdóttur. Neðri hluti myndarinnar er saumaður með kúnstbróderíi og sýnir landslag, en efri hluti hennar er málað silki sem sýnir himininn. Þorbjörg fór á námskeið í kúnstbróderí hjá nunnunum á Landakoti. Myndin er merkt að framan með nafninu Þorbjörg og ártalinu 1913. Á Ketilsstöðum var rekin veitingasala og boðið upp á gistingu. Einu sinni kom skipsáhöfnin af Hæringi (verksmiðjuskip sem fylgdi síldarflotanum) í kvöldmat á Ketilsstöðum. Urðu skipsverjar mjög drukknir og endaði samkvæmið með því að þeir slógust innbyrðis. Í atganginum brutu þeir húsgögn og aðra innanstokksmuni og meðal annars brotnaði glerið á mynd Þorbjargar og silkið í efri hluta myndarinnar rifnaði. Síðar var nýtt silki sett á efrihluta hennar og fékk Unnur Jónsdóttir frá Egilsstöðum (föðursystir gefanda) málara til að mála himininn aftur en ekki er vitað hver það var. Þegar gamli bærinn á Ketilsstöðum brann (1951?) var myndinni bjargað úr brunanum en ramminn brotnaði. Þórdís Bergsdóttir, dóttir Bergs Jónssonar og Sigríðar Hallgrímsdóttur frá Ketilsstöðum, hefur varðveitt myndina hjá sér fram að því að hún afhenti myndina safninu.