Veggplatti
1962 - 1985
In preservation at
National Museum of Iceland
Stór, handmálaður veggplatti úr postulíni, eða postulínsdiskur, með yfirlitsmynd af Reykjavík, málaðri í fjölbreytilegum litum eftir eldri ljósmynd. Ljósmyndin hefur augljóslega verið tekin úr turni Kristskirkju, í norð-austur átt og sér yfir byggðina, höfnina og að Esju og fjallanna í baksýn. Fremst sér í húsin að Túngötu 22 og 20. Ljósmyndin hefur væntanlega verið tekin einhvern tíma á árunum milli 1940 og 1955. Frá þeim tíma er varðveittur mikill fjöldi ljósmynda sem tekinn er frá sama sjónarhorni. Veggplattinn sjálfur er hins vegar mun yngri. Hann er japanskur, frá fyrirtækinu Noritake sem hefur verið starfrækt frá 19. öld. Á bakhlið plattans er postulínsstimpill frá verksmiðjunni. Sá stimpill mun fyrst hafa verið notaður á árunum 1962-1963.* Það er því ljóst að plattinn er ekki eldri en frá þeim tíma og hann virðist vera nokkru yngri en það. Sami stimpill er notaður enn í dag. Á framhliðinni er merking þess er málaði. Hún virðist vera S. Kimura. Ekki hefur tekist að finna út úr því hver það er.
Gefandi fékk plattann frá föðursystur sinni og eiginmanni hennar, Dýrleifu Árnadóttur og Ásgeiri Péturssyni.
*http://gotheborg.com/marks/noritake.shtml (skoðað 7.9.2016).
Main information
Dating
1962 - 1985
Material
Object-related numbers
"Museumnumber b": 2016-66-1
Dimensions
35.5 x 3.8 cm
Lengd: 35.5 Breidd: 3.8 cm
Record type
Collection
Undirskrá: Munasafn
Keywords
Keyword: Veggplatti