Skrautmálun

1850 - 1900

In preservation at

Tína úr furu, með þunnu girðisefni, sporöskjulaga. Lengd 41 cm, breidd 25,2 cm. Lokið er saumað saman með tágum en botninn (askjan) er samansaumuð með margföldu sláturgarni. Tínan er græn að lit, með grænum laufateinum umhverfis botninn, en með grænum laufblöðum og hvítum „kúlum" sem í eru rauðar slettur. Undir grænu málningunni sést móta fyrir bleik-rauðri þunnri málningu. Sennilega er tínan innflutt á 19. öld og hefur fengið þessa yfirhalningu um miðja 20. öld. Á botni öskjunnar er skráð með blýanti: „Fjóla“. Tínan er úr búi Fjólu Stefánsdóttur á Minni-Ökrum. Gert hefur verið við hana áður, og hún máluð. Áletrunin („Fjóla”) er sennilega frá þeim sem gerði við tínuna og málaði (nafn þess sem gerði við er óþekkt). Tínan er nýviðgerð, lokið var allt sundursprungið þegar tínan kom á safnið, þannig að heilt spjald hefur verið fellt inn á lokið. Bragi Skúlason trésmiður gerði við gripinn