Munsturblað
1894 - 1925
In preservation at
National Museum of Iceland
Mynsturblað að kaffidúk. Mynstrið er teiknað með blýanti á smjörpappír. Myndefnið er „leggur og skel“, sbr. sögu Jónasar Hallgrímssonar, eftir sögu H. C. Andersen. Dúkurinn er ílangur, með sveigðum tungum meðfram brúnum. Við annan langendann er mynd af fífli og á hinum mynd af sauðarlegg. Við annan skammendan er svo mynd af skel en við hinn mynd af því sem virðist vera gullastokkur. Gefandi telur mögulegt að blaðið sé teiknað af Eðvarði Sigurgeirssyni, ljósmyndara og föðurbróður gefanda. Þó telur hún allt eins líklegt að föðuramma hennar, Júlíana Friðrika Tómasdóttir (f. 1871, d. 1953) hafi teiknað mynstrið þegar hún var á húsmæðraskóla á Syðra-Laugalandi í Eyjafirði veturinn 1894-1985.* Gefandi veit ekki til þess að dúkurinn eða mynstrið hafi nokkurn tíma verið saumað út. Blaðið er úr eigu Agnesar Sigurgeirsdóttur, föðursystur gefanda, sem lést aðeins sextán ára gömul. Blaðið hefur verið brotið saman, hefur rifnað mikið í brotunum og er því mjög viðkvæmt. Á tveimur stöðum hefur hvítt blað verið límt undir smjörpappírinn til að styrkja samskeyti þar sem blaðið hefur rifnað. Ofan í upprunalegu teikninguna hefur verið farið með blýanti til að skýra línurnar. Þegar gefandi var á ellefta ári (1941) gaf föðuramma hennar, Júlíana Friðrika, henni ýmislegt handavinnutengt sem verið hafði í eigu Agnesar, þar á meðal mynsturblöð nr. Þjms. 2015-56-1 og 2.
*Þessar ítarupplýsingar frá gefanda fylgdu:
„Veturinn 1894-95 í húsmæðraskólanum á Syðra-Laugalandi í Eyjaf. Þennan vetur voru 24 nem. í skólanum, þar af 3 úr Bárðardal, Vigdís og Þuríður Jónsdætur frá Sigurðarstöðum auk ömmu, Friðriku Júlíönu Tómasd. f. 21/7 1872 - d. 14/6 1953, frá Litluvöllum í Bárðardal. Aðrar námsmeyjar Bergljót Sigurðard., móðir Jóh. Skaftas. sýslum., Fanney Friðriksd. frá Brekku á Ytri-Tjörnum, Sigurlína Sigurgeirsd. frá Öngustöðum [Öngulsstöðum], Snjólaug Sigurjónsd. frá Laxamýri, Jóhanna Gunnarsd., dóttir Valgerðar Þorsteinsd. forstöðukonu (skólans?) og ekkja sr. Gunnars Gunnarssonar frá Laufási, Jóhanna varð síðar söngkennari við Laugalandsskóla.“
Main information
Dating
1894 - 1925
Material
Object-related numbers
"Museumnumber b": 2015-56-1
Dimensions
72 x 45 cm
Lengd: 72 Breidd: 45 cm
Record type
Collection
Undirskrá: Munasafn
Keywords
Keyword: Munsturblað