Grindverk, f. garð

01.01.1898 - 01.01.1902

In preservation at

Laxdalshús byggt 1795 og er elsta hús bæjarins, reist sem íbúðarhús handa verslunarstjórum Kyhnsverslunar. Í húsinu var faktorsbúðin, tvær stofur í norðurenda, í suðurenda voru tvö herbergi handa verslunarþjóni og beyki. Eldhús og búr voru í miðju húsinu. JóhanGudmann keypti húsið 1817, og var umsvifamikill kaupmaður á Akureyri um langt skeið. Bernhard August Steincke verslunarstjóri Fr.Gudmanns (1852-1874) bjó í húsinu. Hann kvæntist Pálínu Hildi dóttur E.E.Möllers verslunarstjóra. Steincke varð fljótlega aðaldriffjörðin í flestum menningar- og framfaramálum bæjarins. Um 1880 keypti Carl J. Höphner húsið og var um það leytið orðinn nær einvaldur kaupmaður á Akureyri. Eggert Laxdal, sem húsið hefur verið kennt við, bjó í því 1875-1902, verslunarstjóri hjá Gudmannsverslun, síðar stofnaði hann eigin verslun (Hafnarstræti 92). Hann sat lengi í bæjarstjórn og átti þátt í stofnun Framfarafélags Akureyrar 1879. Eggert Laxdal var vel virtur af bæjarbúum, en þótti ráðríkur. Siðasti verslunarstjórinn sem bjó í Laxdalshúsi var Hallgrímur Davíðsson, en hann var verslunarstjóri Höphnersverslunar 1912-1933. Húsið var selt Jóni Stefánssyni ritstjóra 1918 og loks eignaðist bærinn það 1942. Við Laxdalshús stóð fornt reynitré úr Möðrufellshrauni.