Kjóll
1965
In preservation at
National Museum of Iceland
Síðkjóll úr svörtu silkiflaueli, með síðum ermum. Hann er opinn, en bundinn saman að framan og rykktur við vinstri mjöðm og þar í er fest næla með glærum skrautsteinum. Kjóllinn er fleginn um axlir og gengur í V að framan, við hálsmál. Kjóllinn er saumaður upp úr kápu sem fannst á öskuhaugum í Bandaríkjunum árið 1962. Að sögn gefanda þá „var kápan úr allt of fínu efni til að fleygja henni“. Gefandi, Guðrún Tómasdóttir söngkona, klæddist kjólnum á einsöngstónleikum í Gamla bíói í mars árið 1965. Það var vinkona Guðrúnar, Þóra Jónsdóttir frá Laxamýri, sem saumaði kjólinn upp úr kápunni. Eilítið er um saumsprettur og smávægileg göt við sauma á kjólnum en annars er hann í góðu ástandi.
Með skráningunni fylgir ljósmynd frá tónleikunum í Gamla bíói 1965. Þar sést Guðrún í kjólnum og við flygilinn er Guðrún Kristinsdóttir píanóleikari, en hún var undirleikari á tónleikunum. Ljósmyndina tók Frank Ponzi, eiginmaður Guðrúnar. Ljósmyndin er í hennar eigu.
Main information
Dating
1965
Material
Object-related numbers
"Museumnumber b": 2015-68-3
Record type
Collection
Undirskrá: Munasafn