Bifreið

1927

In preservation at

Elcar, fólksbifreið fyrir sjö farþega. Bíllinn er af gerðinn Elcar, framleiddur hjá Eilklhart Carrige Company í Bandaríkjunum. Hann er grár að lit með svörtum brettum og stigbrettum. Blæjur vantar. Í áðurnefndri verksmiðju voru framleiddir bílar á árunum 1905-1931. Eldri gerðir báru nöfn eins og Elkhart, Sterling og Comet en frá 1915-31 voru bílar framleiddir í þessari verksmiðju undir Elcar. Mjög var vandað til framleiðslunnar, „fyrsti bílinn sem tekist hefur að gera hristingslausan, þannig að hann er jafnmjúkur á ósléttum vegi sem á malbikuðuðm væri,“ segir í auglýsingu hérlendis.Mest var framleitt af þessum bílum árið 1919, þá um 4000 bílar.Tveir Elcar bílar voru fluttir hingað inn, annar með stálhúsi en hinn blæjubíll (Touring). Blæjubíl þennan keypti Garðar Gíslason í Hafnarfirði árið 1927 á kr. 8.200 en síðar eignaðist hann Garðar Þorsteinsson lögfræðingur. Lengst af bar hann númerið RE-527. Árið 1930 eignaði Menntaskólinn í Reykjavik þennan bíl. Hann var kallaður „Gráni“ og notaður í skemmtiferðir nemenda en Valdimar Sveinbjörnsson (1896-1978) leikfimikennari og Einar Magnússon (1900-1986) kennari við skólann og síðar rektor, óku honum. Árið 1935 var keyptur „Nýi Gráni“ og eftir það festist nafnið „Gamli Gráni“ við bílinn. Einar keypti hann þá á uppboði og átti hann til 1981 en hann gaf hann til Þjóðminjasafns Íslands. Bíllinn er ekki að öllu leyti í upphaflegu útliti. Til stóð að gera hann frekar upp en óákveðið er með framhald þar um. Byggt á dagbók og minnisblöðum Þórs Magnússonar.

Main information

Donor: Einar Magnússon

Dating

1927

Object-related numbers

"Museumnumber b": 2015-74

Place

Núverandi sveitarfélag: Reykjavíkurborg, Reykjavíkurborg

Record type

Artifact

Collection

Undirskrá: Munasafn

Keywords

Keyword: Bifreið