Víðistaðagráni
1917
In preservation at
National Museum of Iceland
Vörubifreið, Ford-TT árgerð 1917 sem Bjarni Erlendsson (1881-1970) bóndi og athafnamaður á Víðistöðum við Hafnarfjörð átti lengst. Hann var nr. HF-27, síðar G-247. Bjarni notaði hann við lýsisbræðslu sína en síðast nánast sem dráttarvél við garðyrkju. Bílinn í daglegu tali oft nefndur Víðstaðagráni.
Þjóðminjasafnið eignaðist bílinn 1970. Erlendur Halldórsson reif bílinn sundur og hóf á honum viðgerðir en það kom í hlut Péturs G. Jónssonar vélvirkja, viðgerðarmanns safnsins, að ljúka endursmíði hans. Gunnar Bjarnason smíðaði hús og pall. Allt var notað af því upphaflega sem unnt var. Sturtulæsingar smíðaði Guðmundur Jónsson vélsmiður í Hafnarfirði og var hún uppfinning hans og varð algeng í notkun.
Afturhjólin eru með gegnheilu gúmmíi, en slík hjól fluttust á stríðsárunum fyrri, 1914-1918, þegar erfitt reyndist að fá venjulega hjólbarða. Á pallinum er farþegahús, „boddý“, sem var algengt að setja á vörubíla áðun er sérstakir rútubílar“ komu til. Þá voru þeir kallaðir ,,boddýbílar“.
Fyrstu hlutar bílsins komu til Þjóðminjasafnsins frá Víðistöðum við Hafnarfjörð árið 1970 þegar þjóðminjavörður náði öxlum, stýrisgangi klofajárnum og afturhjólum sem að vísu voru af Chevroletbíl en hægt var að nota í þennan bíl. Hásingin í bílnum sem og fleiri hlutar komu úr bíl, sem til var í Villingaholti í Flóa.
Söfnunarsaga þessa elsta varðveitta bíl landsins er í raun fróðleg. Árið 1970 voru afar fáir ef nokkrir bílar til í íslensku safni. Þór Magnússon hafði forgöngu að safna tækniminjum og er T-Fordinn þessi fyrsta verkefnið sem fylgt var eftir af hálfu Þjóðminjasafns Íslands.
Gripur skráður í T 1971-1 er bensíntankur úr bílnum.
Skráð eftir dagbók og minnisblöðum Þórs Magnússonar í munasafni.
Main information
Title
Proper noun: Víðistaðagráni
Dating
1917
Object-related numbers
"Museumnumber b": 2015-71
Place
Staður: Víðistaðir, Hafnarfjarðarkaupstaður
Record type
Collection
Undirskrá: Munasafn
Place of origin
64°4'25.0"N 21°57'34.4"W