Forstjóri

01.01.1920 - 01.01.1930

In preservation at

Ísleifur Högnason, kaupfélagsstjóri, var landskjörinn þingmaður frá 1937 til 1942. Ísleifur fæddist í bænum Seljalandi undir Eyjafjöllum þann 30. nóvember 1895. Hann lést í Reykjavík 12. júní 1967. Foreldrar Ísleifs voru Högni Sigurðsson hreppstjóri í Vestmannaeyjum og Marta Jónsdóttir. Ísleifur kvæntist þann 20. ágúst 1921 henni Helgu (fædd 6. desember 1900) Dóttur Rafns Júlíus Símonarssonar formanns í Nesi í Norðfirði og síðar í Vestmannaeyjum og Guðrúnar Gísladóttur. Bjuggu þau á Litlu-Bolsastöðum við Faxastíg. Ísleifur stundaði tungumálanám í Reykjavík frá 1916 til 1917 hjá Alexander Jóhannessyni sem síðar varð prófessor og Boga Ólafssyni menntaskólakennara. Stundaði verslunarnám og skrifstofustörf í Kaupmannahöfn á árunum 1918 og 1919. Varð kaupfélagsstjóri við Kaupfélagið Drífanda í Vestmannaeyjum 1920-1943. Framkvæmdastjóri Kaupfélags Reykjavíkur og nágrennis í Reykjavík 1943-1953. Ráðinn forstjóri Kaupstefnunnar í Reykjavík og starfaði þar frá 1955 allt til æviloka.