Útvarp

1945 - 1955

In preservation at

Útvarp af gerðinni Ferranti, svart á lit. Vantar á það bakhliðina. Útvarpið var upphaflega í eigu Hinriks Thorarensen læknis á Siglufirði (f. 1893, d. 1986). Hinrik kom til Siglufjarðar árið 1920 til þess að starfa sem læknir en var mjög áberandi í bæjarlífinu; stundaði fyrirtækjarekstur og var kosinn í bæjarstjórn Siglufjarðar 1923 og 1925. Hann rak Gamla-Bíó og síðar Nýja-Bíó, sem tók til starfa 1924, auk þess sem hann stundaði hótelrekstur, rak söluturn og átti söltunarstöð um skeið. Sögu hans má lesa í bók Örlygs Kristfinnssonar, Svipmyndir úr Síldarbæ. Gefendur útvarpsins eru Siglfirðingarnir Kristín María Eggertsdóttir og Jens Gíslason. Jens fékk útvarpið að gjöf árið 1969 frá syni Hinriks, Ólafi Thorarensen, og hefur það verið varðveitt á heimili þeirra og síðar á heimili dóttur þeirra, Elsu Jensdóttur.