Spónn

In preservation at

Spónn úr hóf hryssunnar Stjörnu, sem var í eigu Jóhönnu Jónsdóttur á Búrfelli í Svarfaðardal. Sigurhjörtur Sigurðsson smíðaði spóninn. Með gripnum fylgdi texti eftir Hafdísi Jóhönnu Hafliðadóttur og ljóð eftir Jóhönnu Jónsdóttur. Jóhanna Jónsdóttir fæddist á Búrfelli í Svarfaðardal 25.júlí 1872. Jóhanna bjó á Búrfelli ásamt fjölskyldu Jóhanns bróður síns og var ,,sjálfrar sín.'' Hún lést árið 1939. Jóhanna hafði yndi af hestum, ljóðum, og öllu því sem fagurt var. Jóa átti góðhryssuna Stjörnu, þær áttu samleið tæpa þrjá áratugi. Jóa átti góð reiðföt sem hún notaði þegar hún brá sér af bæ. Ég heyrði talað um konur sem sóttust eftir að fá þessi góðu föt að láni til ferðalaga. Þegar Stjarna var öll fékk Jóa, Sigurhjört Sigurðsson bónda á Auðnum og síðar Skeiði til að smíða spón úr einum hófnum hennar. Þessi spónn er einstaklega vel gerður og ótrúlegt að náðst hafi heill spónn úr nettum hryssuhóf. Algengt var að spænir væri settir saman með spennslum, þar sem skaft og blað mættust. Hjörtur hefur grafið ,,MINNING ST'' á skaftir. Jóa orti erfiljóð um Stjörnu sína. Mín þó séu léleg ljóð lit vil á því sýna, núna smáan yrkja óð eftir Stjörnu mína. Nú skal greina firðum frá frægð því mikla bar hún. Þrítugasa aldurs á ári sínu var hún. Ærið háa aldurstíð ekki sá þér breyta Silfurhárin hrein og fríð fax þitt náðu að skreyta. Fyrir yngri fákum þá fjörug hélstu velli. Furðaði marga firða á fjöri þínu í elli. Ævilangt hér áttir dvöl af því má nú greina Þú varst ekki firðinum föl fyrir borgum neina. Hygg ég fáka seint að sjá sem hér endist betur standi hér við stallinn þá storð á þylur vetur. Man ég vil þitt frábært fjör fagra æskudaga. Tíðum þaustu eins og ör yfir græna haga. Vitsmunum með þreki og þrótt þig skaparinn gæddi, vel þótt koldimm væri nótt vegu beina þræddi. Vissir fyrir veðrin hörð vetrardaga stríða. Heim ef komst þó hefðir jörð hríðum mátti kvíða. Fyrrum varstu fædd á grund fögrum lit með blóma Hetjuleg að hinstu stund hærur barst með sóma. Mig þú barst um gróna grund gjörðir yndi næra. Tíðum mína léttir lund listaskepnan kæra. Þú vannst skeiða frið og fjörg fagran yfir haga. Við þig tengd er minning mörg minna ævidaga. Brögnum eigi bauðst nein slík bláum vatns í flaumi bifaðist ekki, bjargi lík neindir leið mót straumi. Einatt veittir yndi mér ævidaga þína. Samveruna þakka ég þér, þar með ljíðin dvína. Vildi ég ekki vita þér vetrar élið stríða Kaus þú líður heldur hel en hárri elli kvíða. Hrygg mér bjó í hyggjurann hlutum við að skilja. Kveðja þig sem vin ég vann varla mun það dylja. Af ei vissir efstu þraut, eða kenndir nauða. Fyrir byssu falla hlaut fékk því skjótan dauða. Höfundur: Jóhanna Jónsdóttir ,,Þetta er eini arfurinn sem ég hlaut eftir þessa góðu frænku mína og nöfnu ásamt óljósum minningum um hana frá síðasta árinu sem hún lifði. Guð blessi minningu hennar.'' Segir Hafdís Jóhanna Hafliðadóttir.

Main information

Sigurhjörtur Sigurðsson, Attributed
Donor: Hafdís Jóhanna Hafliðadóttir
Jóhanna Jónsdóttir, Used by

Material

Lífræn efni, Dýraríki, Horn, Hornbein

Object-related numbers

"Museumnumber b": 2015-5-2

Dimensions

8.1 x 5 cm Lengd: 8.1 Breidd: 5 cm

Place

Staður: Búrfell, 621-Dalvík, Dalvíkurbyggð

Record type

Artifact

Collection

Undirskrá: Almenn munaskrá

Keywords

Keyword: Spónn

Place of origin

65°51'25.6"N 18°43'34.8"W