Nisti
1911
In preservation at
National Museum of Iceland
Næla eða nisti úr 14 karata gulli. Á bakhlið eru stimplarnir JP og 585 (585 er gæðastimpill gullsins, þ. e. 585/1000 sem jafngildir 14K gulli). Á bakhlið er þorn, svo hægt sé að nota gripinn sem nælu, en jafnframt er hlekkur efst til að hafa hann sem nisti í festi. Nælan var höfð við skautbúning nr. 2013-33 og hún fest í skauttreyjuna þar sem henni var krækt saman í hálsinn. Gullsmiðurinn er óþekktur.
Allir gripirnir númer Þjms. 2013-33 eru hlutar sama skautbúnings úr eigu Margrétar Þorbjargar Kristjánsdóttur Jensen. Búninginn og skartið lét Thor Jensen sauma og smíða handa eiginkonu sinni fyrir silfurbrúðkaup þeirra, 21. maí 1911. Þau höfðu gift sig 21. maí 1886 og var brúðkaupið haldið í Krosshúsi á Akranesi. Á silfurbrúðkaupsdaginn voru þau búsett að Fríkirkjuvegi 11 í Reykjavík. Á þessum 25 árum höfðu þau eignast öll sín 12 börn, sem öll nema Lovísa komust til fullorðinsára. Margrét Þorbjörg var ættuð frá Hraunhöfn á Snæfellsnesi en þau Thor kynntust á unglingsárum á Borðeyri. Gefandi er dótturdóttir þeirra hjóna. Hún ber bæði nöfn ömmu sinnar og því kom búningurinn í hennar hlut. Gullskartið sem fylgir búningnum er einstakt sinnar tegundar og aðeins eitt sambærilegt búningaskart er til, svo vitað sé. Það var smíðað fyrir Alexandrínu drottningu fyrir heimsókn hennar til Íslands árið 1921. Það skart smíðuðu Jónatan Jónsson og Árni B. Björnsson.
Main information
Dating
1911
Material
Object-related numbers
"Museumnumber b": 2013-33-5
Record type
Collection
Undirskrá: Munasafn
Keywords