Go Back To Search
Do you know more?

Spöng, óþ. hlutv.

1911
In preservation at
National Museum of Iceland
 Spöng úr 14 karata gulli með loftverki. Á henni eru stimplarnir ME 14K  og óljóst EM. Upphafsstafirnir eru stafir feðganna Magnúsar Erlendssonar og Erlends Magnússonar en þeir ráku silfursmíðaverkstæði saman og stimpluðu flesta gripi með smiðsstimplum þeirra beggja. Spöngin er hluti skautbúnings frá árinu 1911. Það má ætla að það hafi verið Magnús sem smíðaði spöngina því Erlendur lést árið 1909. Nema að smíðin hafi hafist löngu fyrr, þ. e. fyrir andlát Erlendar, og þeir feðgar báðir komið að smíðinni. Á spönginni er laufblaðasveigur úr loftverki. Allir gripirnir númer Þjms. 2013-33 eru hlutar sama skautbúnings úr eigu Margrétar Þorbjargar Kristjánsdóttur Jensen. Búninginn og skartið lét Thor Jensen sauma og smíða handa eiginkonu sinni fyrir silfurbrúðkaup þeirra, 21. maí 1911. Þau höfðu gift sig 21. maí 1886 og var brúðkaupið haldið í Krosshúsi á Akranesi. Á silfurbrúðkaupsdaginn voru þau búsett að Fríkirkjuvegi 11 í Reykjavík. Á þessum 25 árum höfðu þau eignast öll sín 12 börn, sem öll nema Lovísa komust til fullorðinsára. Margrét Þorbjörg var ættuð frá Hraunhöfn á Snæfellsnesi en þau Thor kynntust á unglingsárum á Borðeyri. Gefandi er dótturdóttir þeirra hjóna. Hún ber bæði nöfn ömmu sinnar og því kom búningurinn í hennar hlut. Gullskartið sem fylgir búningnum er einstakt sinnar tegundar og aðeins eitt sambærilegt búningaskart er til, svo vitað sé. Það var smíðað fyrir Alexandrínu drottningu fyrir heimsókn hennar til Íslands árið 1921. Það skart smíðuðu Jónatan Jónsson og Árni B. Björnsson.

Main information

Dating
1911
Material
Object-related numbers
"Museumnumber b": 2013-33-4
Record type
Collection
Undirskrá: Munasafn
Keywords