Koffur

1850 - 1950

In preservation at

Enniskoffur Guðbjargar Þorleifsdóttur í Múlakoti, ömmu Guðbjargar, gyllt málmsmíði með víravirki. Gefandi taldi þetta smíði Eyjólfs bróður Guðbjargar, en það stenst ekki, Eyjólfur Þorleifsson fékkst ekki við silfursmíði. Koffur frá Gerðum í Landeyjum (R-2279) er af nákvæmlega sömu gerð en án heimildar um höfund. Tveir gullsmiðir nákomnir Guðbjörgu koma til greina, Magnús Eyjólfsson föðurbróðir hennar og Eyjólfur Oddsson, sonur Odds föðurbróður hennar. Annarhvor þeirra hlýtur að vera höfundur að koffrinu því tengingin við smiðina vísar hjá ættinni alfarið til þess. Í Þjóðminjasafni er stokkabelti (Þjms. 1070), verk Eyjólfs Oddssonar, stokkar steyptir og veitir enga stoð í rannsókn. Guðbjörg í Múlakoti var fædd 1870 og eignaðist koffrið um fermingu. Eyjólfur Oddsson dó 1899. Meiri líkur eru á því að hann sé höfundur koffurs en í svipinn er allt í óvissu.