Tunnumerki, peningur v/síldarvinnu

1955 - 1967

In preservation at

Tunnumerki sem söltunarstöðin Borg hf., Borgarfirði Eystri, lét framleiða upphaflega (Heimildarmaður: Freyr Jóhannesson). Söltunarstöðin var stofnuð árið 1955 af Vilhjálmi Jónssyni og tengdasyni hans, Sigmari Björnssyni. Á stöðinni var saltað 1955, 1956 og 1959 og 1962-1967. Tunnumerkið er fimmeyringur, sem borað hefur verið gat í og bókstafurinn "B" hefur verið stansaður í á annarri hliðinni. Tunnumerki, söltunarmerki. Lítil plata úr málmi eða öðru efni, líkist oft mynt. Yfirleitt merkt því fyrirtæki sem gaf það út. Tunnumerki giltu sem ávísun á opinberan gjaldmiðil, fyrir vinnu í þágu fyrirtækisins, í þessu tilfelli fyrir söltun og niðurlögn á síld í tunnu. Orðin tunnumerki eða söltunarmerki finnast ekki í Orðabók Háskóla Íslands. Tunnumerki voru notuð á Íslandi á árunum 1920-1990, en ekki er útilokað að notkun þeirra hafi átt sér stað fyrr (Freyr Jóhannesson, 2006, 3).