Tunnumerki, peningur v/síldarvinnu

1947 - 1968

In preservation at

Heiltunnumerki söltunarstöðvarinnar Jökuls hf., Ólafsfirði. Söltunarstöðin var stofnuð árið 1947 af Magnúsi Gamalíelssyni og starfaði hún til ársins 1968. Á báðar hliðar merkisins er sleginn bókstafurinn Ø. Tunnumerki, söltunarmerki. Lítil plata úr málmi eða öðru efni, líkist oft mynt. Yfirleitt merkt því fyrirtæki sem gaf það út. Tunnumerki giltu sem ávísun á opinberan gjaldmiðil, fyrir vinnu í þágu fyrirtækisins, í þessu tilfelli fyrir söltun og niðurlögn á síld í tunnu. Orðin tunnumerki eða söltunarmerki finnast ekki í Orðabók Háskóla Íslands. Tunnumerki voru notuð á Íslandi á árunum 1920-1990, en ekki er útilokað að notkun þeirra hafi átt sér stað fyrr (Freyr Jóhannesson, 2006, 3).