Tunnumerki, peningur v/síldarvinnu

1929

In preservation at

Tunnumerki, heiltunnumerki af söltunarstöð Sören Goos. Goos var danskur og saltaði og bræddi síld á Siglufirði árið 1929. Á aðra hlið merkisins eru grafnir upphafsstafir eigandans: "S G" en á hina hliðina hefur verið rispað "120". Tunnumerki af söltunarstöð Sigfúsar Baldvinssonar á Siglufirði, (Freyr Jóhannesson, 2006, 43). Í tunnumerkið er sleginn bókstafurinn "X". Annað merkið fannst í mikilli söfnun síldarminja árið 1977 en hitt fannst á ruslahaugum árið 1993. Tunnumerki, söltunarmerki. Lítil plata úr málmi eða öðru efni, líkist oft mynt. Yfirleitt merkt því fyrirtæki sem gaf það út. Tunnumerki giltu sem ávísun á opinberan gjaldmiðil, fyrir vinnu í þágu fyrirtækisins, í þessu tilfelli fyrir söltun og niðurlögn á síld í tunnu. Orðin tunnumerki eða söltunarmerki finnast ekki í Orðabók Háskóla Íslands. Tunnumerki voru notuð á Íslandi á árunum 1920-1990, en ekki er útilokað að notkun þeirra hafi átt sér stað fyrr (Freyr Jóhannesson, 2006, 3).