Ekkert drama 2007

= 2007, Eirún Sigurðardóttir

In preservation at

Myndlistarsýningin “Höll blekkninganna” eftir Eirúnu Sigurðardóttur var opnuð í mars 2008 í sýningarrýminu Suðsuðvestur, Hafnargötu 22 í Keflavík. Sýningin sjálf var einn samfelldur gjörningur þar sem Eirún var klædd í heklaðri flík og var sem lifandi skúlptúr. Hún heklaði úr höfði sér þræði og anga. „Hvít vera sem leitar eftir kyrrð, hlustun, skoðun, skilningi og áframhaldi“. Bókverk fylgdi sýningunni en uppistaða bókverksins eru teikningar eftir Eirúnu en einnig stuttir textar eftir Sigríði Þorgeirsdóttur, heimsspeking og Sigrúnu Daníelsdóttur, sálfræðing auk ljósmynda sem Katrín Elvarsdóttir tók. Gunnar Vilhjálmsson hannaði bókin ásamt Eirúnu. Teikningin „ekkert drama“ er ein af 18 rannsóknarteikningum eftir Eirúnu sem byggðar eru á hugmyndinni um Höll blekkinganna og birtust í áðurnefndri bók. Á þessari teikningu virðist eins og vera/dúkka liggi á hlið. Það er eins og búið sé að fjarlægja eitt púsl/stykki úr verunni þannig að skín í rautt holrými. Úr höfði verunnar vaxa angar. (Listasafn Reykjanesbæjar IÞJ).