Malarvöllurinn

= 2007, Einar Falur Ingólfsson

In preservation at

Verkið sýnir kofa í kofabyggð á Keflavíkurvellinum við Hringbraut. Hægt er að sjá skátahúsið í bakgrunni og einnig apótekið. Skátarnir sjá um kofabyggðina á sumrin. Verkið var hluti af sýningunni Aftur með ljósmyndum eftir Einar Fal, þetta var Ljósanætursýning safnins árið 2007. (Listasafn Reykjanesbæjar - GÞ). „Malarvöllurinn“ eftir Einar Fal Ingólfsson er hluti úr ljósmyndaseríunni „Aftur“ sem sýnd var í Listasafni Reykjanesbæjar árið 2007. Þegar Einari bauðst að halda einkasýningu í safninu ákvað hann að skrifa niður lista af stöðum, heimilum og fólki sem hann mundi eftir frá uppvaxtarárunum í Keflavík. Sumarið fyrir sýninguna fór Einar í markvissar heimsóknir til bæjarins til að mynda manneskjurnar og þá staði sem höfðu ratað á listann. Brot úr viðtali við Einar Fal í Morgunblaðinu 1.september; „Í ljósmyndunum mætast mínar persónulegu minningar og veruleikinn eins og hann er í raun og veru. Minningarnar eru bæði brotakenndar og óáreiðanlegar og eru þannig algjör andstæða við þá ljósmyndatækni sem ég nota í þessum myndum. Myndirnar eru allar teknar á stóra litfilmu sem fangar hvert smáatriði. Þetta eru í raun tveir heimar sem mætast, hinn huglægi heimur minninganna og hinn hlutlægi veruleiki sem ljósmyndin fangar. Sýningin fjallar um núninginn milli þessara tveggja heima, þess huglæga og hins hlutlæga. Þessir tveir heimar endurspegla hvor annan en þeir falla ekki fullkomlega hvor að öðrum. Það næðir um þá. Þannig skapast rými fyrir nýja merkingu“. (Listasafn Reykjanesbæjar IÞJ).