Bátur

01.01.1930

In preservation at

Reykjavíkurhöfn. Lítill bátur undir seglum með tveimur mönnum. Sjóflugvél og togarar í baksýn. Um 1926-1930. „Næstir af togurunum eru togarar Íslandsfélagsins APRÍL RE 151 nær og MAÍ RE 155 fjær. APRÍL fórst í árslok 1930. Myndin er því tekin í síðasta lagi sumarið 1930. Fyrir framan seglið sér svo í stefnið á BALDRI RE 244. Mér þykja „fínheitin“ endilega benda til Alþingishátíðarinnar 1930. Hinsvegar hnaut ég um þetta stykki á myndinni. Sé ekki betur en þetta sé væng- stél- og vélarlaust miðstykki úr Junkers-flugvél. Flugfélag Íslands (2) leigði tvær Junkersflugvélar af Lufthansa. 1930 komu þær í júni og voru settar saman hér á höfninni. Til hægri á myndinni virðist sjást í væng. Því hygg ég að þetta sé sú sem síðar kom, sem var stærri vélin af gerðinni Junkers W33. Flugfélagið var reyndar með tvær Junkers F13 vélar 1929, en mér sýnist þetta frekar vera W33 en F13.“ (BÞ 2020)