Karlmaður

31.03.1912

In preservation at

Guðmundur Ólafsson, Kenaraskólanum. „Guðmundur Ragnar Ólafsson, f. 4. nóvember 1890 í Móakoti í Staðarhverfi í Grindavík, d. 18. desember 1969. Foreldrar hans voru Ólafur Björnsson, f. 17. október 1849 í Gerði í Grindavík, d. 26. febrúar 1917, bóndi og sjómaður í Móakoti 1889-1917, og k.h. (frá 1888) Ólöf Guðmundsdóttir, f. 24. júní 1862 í Grindavík, d. 7. júlí 1933, húsfreyja. Bræður Guðmundar Ragnars voru: a) Marel, f. 23. ágúst 1896 í Móakoti, d. 28. september 1926, og b) Ágúst, f. 5. ágúst 1898 í Móakoti, d. 24. október 1982. Guðmundur Ragnar kvæntist (18. maí 1922) Steinunni Bjarnfríði Kristjánsdóttur, f. 8. október 1900, d. 26. janúar 1994, húsfreyju. Þau eignuðust eina dóttur: a) Kristjönu Sólbjörtu, f. 9. janúar 1929 í Reykjavík. Guðmundur Ragnar lauk kennaraprófi 1913. Hann var kennari um árabil, oftast sem farkennari, síðan blaðamaður, m.a. við Alþýðublaðið 1926-32, og starfsmaður Landsbanka Íslands frá 1936, þar sem hann m.a. annaðist lengi afgreiðslu og reikningshald geymsluhólfa bankans. Guðmundur Ragnar var safnaðarfulltrúi Grindavíkur um tíma. Hann sat í stjórn félagsins Heyrnarhjálpar um skeið og í stjórn Blindravinafélags Íslands 1934-55. Guðmundur Ragnar sá um útgáfu bókarinnar Guðs traust og mannúð, sem hafði að geyma úrval úr ræðum Brynjólfs. Hann raðaði ræðunum af natni og skrifaði að bókinni greinargóðan formála.“ (ES 2025)