Biskup

In preservation at

Úr aðfangabók: 3117 Olíumáluð mynd, á striga, af Sigurði byskupi Stefánssyni, st 71 x 57,5 cm, í gamalli, svartri umgerð með gullbronssuðum strikum, 6,5 cm breiðri. Byskup er með gráa hárkollu (paryk), hálslín og pípukraga, í svartri prestshempu; brjóstmynd, ekki allskostar vel máluð, sjerstaklega um augun, sem eru móblá og dökk. Má vera að litirnir hafi breytt sjer í myndinni, en óskemd er hún annars; hefur verið hreinsuð og ferniseruð fyrir fáum árum (ca 1915) og þá endurnýjuð svartan og bronseringin á umgerðinni. Sigurður var 45 ára gamall er hann vígðist til byskupsembættis og er myndin gerð að líkindum þá og í Kaupmannahöfn. Samanber Árb. 1888-92 bls. 101, nr. 19. Sig Guðmundsson málari segir í ritgerð sinni um hagleiksverk Ísl. að Jón Hallgrímsson málari hafi að nokkru leyti málað þessa mynd, eptir því sem sjer hafi sagt Björn .... á Hofsstöðum, er þá hafi verið vinnumaður á Hólum. Nú Mms. 22. Úr Mynd á þili: (Texti Þóru Kristjánsdóttur) „Í Hóladómkrikju var málverk af Sigurði Stefánssyni biskupi (d. 1798) sem nú er varðveitt í Þjóðminjasafni ásamt öðrum biskupamyndum sem prýddu kirkjuna fram að lokum 19.aldar. Málverkið er með handbragði Jóns Hallgrímssonar og vísast eftir hann. Aðferðin við að mála andlit biskups virðist vera sú sama og hann hefur viðhaft þegar hann málaði persónur úr Biblíunni á altaristöflur og predikunarstóla.“ (Sett inn af Sigrúnu Blöndal, 21.10.2010)