Hjúkrunarkona

01.01.1928

In preservation at

Sjálf. Líklega Elísabet Erlendsdóttir (1898-1979) yfirhjúkrunarkona á Sjúkrahúsi Siglufjarðar 1931-57. (ES 2018) Um Elísabetu Erlendsdóttur.Elísabet, f. 25. maí 1898 á Gerðubergi, Eyjahr., Hnapp., d. 6. maí 1979, lauk hjúkrunarnámi frá Aalborg Amtssygehus í Danmörku í febrúar 1924. Hún lagði stund á framhaldsnám við fæðingarstofnun í Árósum frá febrúar 1924 til apríl s.á., og á geðveikraspítala í Hróarskeldu frá apríl 1924 til október s.á. Elísabet var heimahjúkrunarkona í Kaupmannahöfn frá október 1924 til apríl 1925, hjúkrunarkona við Öresundshospital frá apríl 1925 til maí 1926, hjá Hjúkrunarfélaginu Líkn í Reykjavík frá maí 1926 til ágúst 1928, við New York Orthopaedic Hospital frá febrúar 1929 til nóvember s.á., við Society for the Prevention of Cruelty to Children frá nóvember 1929 til júlí 1930, við Boulevard Hospital, Astoria Long Island frá júlí 1930 til september s.á., og við sjúkrahús Sólheima frá nóvember 1930 til júlí 1931. Hún var yfirhjúkrunarkona á Sjúkrahúsi Siglufjarðar frá júlí 1931 til september 1957, og á St. Jósepsspítala í Hafnarfirði öðru hverju frá ársbyrjun 1964.Hjúkrunarkvennatal.Elísabet tók að sér stúlku - Hönnu Sólveigu Þorláksdóttur. Þegar Hanna var níu ára var hún að teika bíl sem bakkaði yfir hana. Hún lamaðist og var rúmliggjandi á sjúkrahúsinu á Siglufirði. Þegar Hanna var tólf ára flutti fjölskylda hennar frá Siglufirði og skildi hana eftir á sjúkrahúsinu. Þannig komst hún undir verndarvæng Elísabetar. Þegar Hanna fermdist var tekin mynd af þeim saman. (Sjá Kirkjuritið 17. árg. 19151 3. tbl., s. 243). (ES 2018)