Kommóða
In preservation at
East Iceland Heritage Museum
Lítil brúnlökkuð kommóða með þremur skúffum. Í skúffunni var einn hornspónn, ekki útskorinn, en á skaftinu sem er svart er stafurinn H, skeiðin á spæninum er hvít. Lítið svart pappírshulstur með litlum sólgleraugum í járnspöng. Lítið pappahulstur með hárbeittum rakhníf. Tvö símskeyti sem stíluð eru á Ragnheiði Jónsdóttur, móður Björns (gefanda), þann 2. júlí 1953 með innilegum afmælisóskum, annað frá heimilisfólkinu á Breiðavaði og hitt er frá Björgu og Laufeyju. Spjald með hvítu fínu ullarbandi frá St.Georg´s Mending. Tvö prjónabúnt, annað er bara með 8 fínum járnprjónum en hitt er með málmprjónum, tveimur tréprjónum og einni langri járnnál (líklega til að rýja) og einn langur stór tréprjónn. Kommóðan, veggskápurinn (MA-0000-577) og stofuklukkan (MA-1995-327) eru allir persónulegir munir Björns Benediktssonar sem oftast var kendur við Tókastaði.
Þessir munir komu allir inn á sama tíma (1995) og eru úr dánarbúi Björns Benediktssonar f.25.08.1904 sem bjó lengst af á Tókastöðum í Eiðaþinghá. Flutti þaðan 1945 og gerðist vinnumaður við Alþýðuskólann á Eiðum. Móðir hans Ragnheiður Jónsdóttir flutti með honum og var bústýra hjá honum á Eiðum. Ragnheiður var einhent, missti höndina vegna berkla. Benedikt flutti suður og dvaldi síðustu árin á Elliheimilinu Grund. Guttormur Sigurbjörnsson frá Gilsárteigi kom hlutum Björns austur með Halldóri Sigurðssyni á Miðhúsum eftir að Björn dó. Dagbækur og fleiri skjöl frá Birni eru á Héraðsskjalasafni.
Main information
Material
Object-related numbers
Museumnumber a: MA
"Museumnumber b": 2011-21
Dimensions
65 x 60 x 32 cm
Lengd: 65 Breidd: 60 Hæð: 32 cm
Place
Staður: Tókastaðir, 701-Egilsstöðum, Múlaþing
Record type
Collection
Undirskrá: Almenn munaskrá
Keywords
Keyword: Kommóða
Place of origin
65°19'52.1"N 14°19'14.7"W