Photo: Haraldur Jónasson

Stjórnborð, skráð e. hlutv.

1973 - 1989

In preservation at

Munir frá stjórnstöðinni á Geithálsi. Stjórnstöðin var miðpunktur í raforkukerfi Landsvirkjunar jafnframt því að vera stjórnstöð fyrir suður- og vesturland. Fyrsta stjórnkerfi/fjarstýrikerfi Landsvirkjunar, Leeds & Northrup kerfið var tekið í notkun á Geithálsi árið 1973 [ 1973 - 1976 ]. Stjórnkerfið var í daglegu tali nefnt Kerfiráður. Til stöðvarinnar bárust stöðugt boð um ástand kerfisins, álag, rennsli, vatnshita, stöðu rofa og lokuvirkja, auk margvíslegra upplýsinga um ástand véla og annars búnaðar. Frá stjórnstöðinni var hægt að fjarstýra vélum og búnaði í afl- og aðveitustöðvum Landsvirkjunar. Stjórnborð. Eitt af tveimur stjórnborðum fyrir stjórnkerfi/fjarstýrikerfi raforkukerfis Landsvirkjunar. Stjórnborðið var tengt tölvum, skjám og prenturum. Það er í stálkassa og hvíldi í gryfju sem sniðin var í borðplötu borðsins sem vakthafandi stjórnendur sátu við. Á stjórnborðinu eru takkar merktir hverri aflstöð, fyrir stýringu forrita, tölvuval, endurræsingu, útskrift ofl. Conitel 2050 system. Stöðin á Geithálsi var starfrækt sem aðalstjórnstöð frá 1973 til desember 1989 er stjórnstöðin á Bústaðavegi var tekin í notkun. Þá voru munirnir fluttir til geymslu í varastöðina í Elliðaárdal. Árið 2006 voru þeir svo fluttir til varðveislu á safnið á Krókhálsi.