Síldarplan

31.07.1908

In preservation at

Í baksýn er síldarbryggja við höfnina, fjöldi fólks að vinna við söltun, hús utar á bryggjunni og flutningaskip liggja við. Fjara í forgrunni. Áritaða myndarnúmerið er: 227. „Skipið við bryggjuna er ekki togari. Þetta er gufuskipið LESLIE (Sjá Íslensk skip 1, bls. 211). Upplýsingarnar þar eru reyndar frekar ónákvæmar. Skráningarnúmerið þar misritað GK 305, (var GK 315). Einnig vantar þar að frá 1915 var LESLIE skráð á Akureyri, EA 41). LESLIE var smíðaður sem kútter í Bretlandi 1882, (ekki 1884). Seinna var sett í hann gufuvél og hann seldur til Noregs. Þar keyptu nokkrir íslenskir sjómenn skipið 1905, en höfðu ekki fjármagn til útgerðarinnar og kom þá Ágúst Flygenring kaupmaður í Hafnarfirði inn í félagsskapinn. Útgerðin gekk frekar illa og tók Ágúst skipið yfir og gekk það 1908 inn í hlutafélagið Sjávarborg (dótturfyrirtæki Edinborgarverslunar) með öðrum skipum hans. Sjávarborg hætti 1913 og keypti þá Ásgeir Pétursson á Akureyri skipið, skráð þar 1915.“ „Það fer nú að verða hægt að tímasetja þessa mynd nokkuð nákvæmlega. Svarta skipið með ljósa strompinn er varðskipið ISLANDS FALK. Handan við húsið sést í skut franska eftirlitsskipsins LAVOISIER. Það kom til Akureyrar 29. júlí 1908 en „Fálkinn“ 31. Á mynd tekin við sama tækifæri (Lpr/2009-141-160) sést franska skemmtiferðaskipið SALVATOR láta úr höfn. Það kom til Seyðisfjarðar 4. ágúst, svo myndirnar eru teknar á tímabilinu 31/7 til 3/8 1908.“ (BÞ 2021)