Brynjólfur Bjarnason

26.5.1898 - 16.04.1989

Roles

Alþingismaður, Kennari, Ráðherra

Place

Staður: Hraunbær 98, 110-Reykjavík, Reykjavíkurborg, Árbær, Ísland Núverandi sveitarfélag: Reykjavíkurborg Sveitarfélag 1950: Reykjavík

More information

Vefbirting: Alþingismaður og ráðherra í Reykjavík. Var á Gneistastöðum, Hróarsholtssókn, Árn. 1901. Kennari á Vesturgötu 16b, Reykjavík 1930. Ráðherra í Reykjavík 1945. F. á Hæli í Gnúpverjahreppi 26. maí 1898, d. 16. apríl 1989. For.: Bjarni Stefánsson (f. 5. des. 1863, d. 16. okt. 1952) síðar bóndi í Eyði-Sandvík í Flóa og k. h. Guðný Guðnadóttir (f. 21. ágúst 1862, d. 5. júní 1933) húsmóðir. K. (26. maí 1928) Hallfríður Jónasdóttir (f. 8. okt. 1903, d. 15. des. 1968) húsmóðir. For.: Jónas Gunnlaugsson og k. h. Elín Guðrún Árnadóttir. Dóttir: Elín (1928). Stúdentspróf MR 1918. Las náttúrufræði við Hafnarháskóla 1918—1923 og lauk fyrrihlutaprófi. Las heimspeki við háskóla í Berlín 1923—1924. Stundakennari við Kvennaskólann í Reykjavík 1926—1936 og Gagnfræðaskólann í Reykjavík 1928—1932. Ritstjóri í Reykjavík 1930—1935. Skip. 21. okt. 1944 menntamálaráðherra, lausn 10. okt. 1946, en gegndi störfum til 4. febr. 1947. Formaður Kommúnistaflokks Íslands 1930—1938 og formaður miðstjórnar Sameiningarflokks alþýðu — Sósíalistaflokksins 1938—1949. Skip. 1942 í mþn. um tryggingamál. Kosinn 1943 í mþn. til þess að fjalla um launakjör alþingismanna. Átti sæti í skilnaðarnefnd 1944. Í tryggingaráði 1944—1946, 1952— 1953 og 1956—1963. Landsk. alþm. (Reykv.) 1937—1942 og (Vestm., Reykv.) 1946—1956, alþm. Reykv. 1942—1946 (Kommfl., Sósfl.). Menntamálaráðherra 1944—1947. Samdi nokkrar bækur um heimspeki. Síðast: Heimur rúms og tíma. Greinar og ræður: Með storminn í fangið. Brynjólfur Bjarnason heitir samtalsbók Einars Ólafssonar við hann (1989). Ritstjóri: Verklýðsblaðið (1930—1935). Brynjólfur Bjarnason (fæddur 26. maí 1898, látinn 16. apríl 1989) var einn áhrifamestu leiðtoga sósíalista á Íslandi á 20. öld. Hann lauk stúdentsprófi frá Menntaskólanum í Reykjavík 1918, en Hjalti Jónsson konsúll hafði stutt hann til náms. Síðan stundaði hann nám í heimspeki í Kaupmannahöfn og Berlín, en lauk ekki prófi, og sneri hann sér aftur að heimspeki á efri árum. Brynjólfur gerðist róttækur þegar á námsárum og hélt fast við þær grundvallarskoðanir alla ævi. Hann var annar af tveimur fulltrúum íslenskra kommúnista á öðru þingi Kominterns, alþjóðasambands kommúnista, í Moskvu 1920. Greiddi hann þar atkvæði með Moskvusetningunum svokölluðu sem kváðu á um skilyrðislausa fylgispekt aðildarflokka sambandsins við það. Brynjólfur var fulltrúi íslenskra kommúnista á fjórða þingi Kominterns í Moskvu 1924, þar sem var samþykkt ályktun um að stofna bæri kommúnistaflokk á Íslandi þegar aðstæður leyfðu. Brynjólfur var fyrsti og eini formaður Kommúnistaflokks Íslands 1930 - 1938, en sá flokkur var deild í Alþjóðasambandi kommúnista og laut valdi þess samkvæmt Moskvusetningunum. Brynjólfur var fulltrúi íslenska kommúnistaflokksins á sjötta þingi Kominterns í Moskvu 1935, en þá skipti sambandið um stefnu og vildi taka upp samstarf við jafnaðarmannaflokka gegn fasisma. Hann var kjörinn á þing fyrir kommúnistaflokkinn 1937. Brynjólfur var formaður miðstjórnar Sameiningarflokks alþýðu - Sósíalistaflokksins 1938 - 1949. Hann varði innrás Sovétríkjanna í Finnland í árslok 1939 og smíðaði orðið „Finnagaldur“ um óvægna gagnrýni á þá innrás. Brynjólfur þýddi ýmis rit eftir Maó Zedong á íslensku, þar á meðal Rauða kverið, sem kom út 1967. Brynjólfur sat á Alþingi í 19 ár, til 1956. Brynjólfur var einnig menntamálaráðherra 1944-1947 í svonefndri „nýsköpunarstjórn“. Frá og með 1954 sinnti Brynjólfur í æ ríkara mæli heimspeki og ritaði fjölda bóka um þau efni. Jafnframt dró úr stjórnmálaþátttöku hans en hann var þó áfram virkur félagi í Sósíalistaflokknum og Alþýðubandalaginu. Reference: https://www.islendingabok.is/search?find=brynj%C3%B3lfur+bjarnason+1898 https://is.wikipedia.org/wiki/Brynj%C3%B3lfur_Bjarnason

Related objects