Á að skella sér í ferðalag? Jafnvel á útihátíð? Hér eru nokkrir gripir Minjasafnsins á Akureyri sem tengjast ferðalögum og ekki síst útihátíðum. Góða ferð.

Í safneign listasafns Borgarfjarðar má finna margar perlur úr íslenskri listasögu. Með sýningu á verkum kvenna úr safneigninni er verið að gefa þessum merku listakonum rými og samhengi í sögunni.

Í stofunni á Gljúfrasteini við arininn er lítill kollur, þannig var hann skráður í aðfangabók safnsins á Sarpi. Einn af gestum safnsins benti okkur á að hér gæti verið um að ræða söðul fyrir kameldýr, og mikið rétt, svo reyndist vera, eins og sjá má á netinu. Þennan söðul keypti Auður á Basar í Kaíró sem þau hjónin heimsóttu í heimsreisunni í kjölfar afhendingu nóbelsverðalaunanna 1955 en þau voru í Kaíró snemma árs 1958.

Eine virtuelle Ausstellung für Grundschulkinder. Heimilisiðnaðarsafnið.

Die virtuelle Ausstellung "Aus Wolle wird Kleidung" beruht auf der Museumspädagogik des Textilmuseums für Grundschulkinder und wird vom Museumsfonds gefördert. Kopieren oder Verwendung zu anderen Zwecken als dem Unterricht an Grundschulen ist ohne schriftliche Erlaubnis des Textilmuseums in Blönduós nicht gestattet. 

A virtual exhibition for primary school children. You can see the exhibition at the museum´s website.

The virtual exhibition "From wool to clothing" is based on the museum education of the Textile Museum for primary school children with funding by the Museum Fund. Copying and utilisation for other purposes than primary school education is not permitted without written permission of the Textile Museum in Blönduós.

Að koma ull í fat er vefsýning sem byggir á safnfræðslu grunnskólabarna um það ferli að breyta ull í þráð til að vinna úr klæði á heimilum landsins fyrr á tímum.  Miðað var við að hafa texta skýran og einfaldan og myndir lýsandi enda markhópurinn fyrst og fremst börn og ungmenni. Gerð vefsýningarinnar var styrkt af Safnasjóði.

Sýninguna má sjá hér á heimasíðu safnsins.

Fjármálaráðuneytið hefur afhent Listasafni Íslands til fullra umráða 76 verk sem ráðuneytið hefur eignast með ýmsum hætti í gegnum tíðina. Mikill meirihluti þeirra er grafíkverk sem hafa hangið uppi á skrifstofum starfsmanna í lengri eða skemmri tíma. Með þessari gjöf fær Listasafn Íslands mikilvæga viðbót við safn sitt af grafíkverkum og áhugverð málverk og vatnslitamyndir eftir fjölbreyttan hóp listamanna. 

Sýningin Slifsi var opnuð í Minjasafni Austurlands 1. júní 2019. Þar eru til sýnis margvísleg peysufataslifsi úr safnkosti Minjasafns Austurlands. Þau eru frá ýmsum tímum og eins ólík og þau eru mörg en eiga það öll sameiginlegt að hafa prýtt peysuföt austfirskra kvenna við hátíðleg tækifæri. Samhliða sýningunni var opnuð samnefnd vefsýning hér á Sarpi þar sem áhugasamir geta skoðað ljósmyndar af slifsunum og nálgast nánari upplýsingar um þau.

Við skráningu ljósmynda úr hinum ýmsu myndasöfnum koma fram myndir sem ekki tekst að bera kennsl á. Þetta á við bæði um sveitabæi, stök hús og auðvitað fólk. Hér er kastljósinu beint að ljósmyndum af sveitabæjum sem enn eru óþekktir í Sarpi í þeirri von að notendur Sarps geti bætt um betur og greint hverjir þeir eru.