Leita



Vinsamlega sýnið biðlund
Lýsingu vantar

Lífið á dögum kórónaveirunnar

ÞMS
Spurningaskrá 2020-1

Lífið á dögum  kórónaveirunnar

Þjóðminjasafn Íslands

Spurningaskrá 128


Spurningaskrá þessi er send út í tilefni af kórónuveirufaraldrinum (COVID-19) sem nú gengur yfir Ísland og alla heimsbyggðina með mjög afdrifaríkum hætti. Á annað þúsund eru þegar smitaðir hér á landi og hátt í 10.000 eru í sóttkví. Nokkrir hafa þegar látist. Á heimsvísu eru þessar tölur margfalt hærri. COVID-19 er með stærstu farsóttum sem herjað hafa á íbúa jarðar og verður að fara allt aftur til spönsku veikinnar árið 1918 til að finna viðlíka útbreiddan og hættulegan smitsjúkdóm.

Mikilvægt er að safnað verði heimildum um daglegt líf fólks meðan á faraldrinum stendur, reynslu þess og upplifanir, á þessum afar sérstæðu tímum. Þjóðminjasafnið leitar eftir liðsinni almennings við að svara spurningaskrá um þetta efni og hvetur sem flesta til að taka þátt í könnuninni. Á það skal jafnframt bent að hér gefst einstakt tækifæri til að færa í letur sínar eigin minningar. Þær frásagnir sem berast verða varðveittar fyrir framtíðina í menningarsögulega gagnagrunninum Sarpi og verða öllum opnar, bæði fræðimönnum og öðrum. Nöfn heimildarmanna birtast ekki.

Myndin sýnir skimun fyrir berklum (breklapróf) í Miðbæjarskóla í Reykjavík um 1950-1960 (Þjóðminjasafn Íslands).


Leiðbeiningar

Þú getur valið á milli þess að svara með nafni eða nafnlaust en sem fyllstar upplýsingar eru æskilegar. Mikilvægt er að þú kynnir þér skilmálana og samþykkir þá til þess að sem flestir hafi aðgengi að svörunum. Eftir að þú hefur fyllt í reitina smellir þú á hnappinn „hefja svörun“. Þegar þú hefur lokið við að svara velur þú hnappinn „lokið“ og fara svör þín þá beint inn í þjóðháttasafnið. Ekki er hægt að vista svörin en mögulegt er að fara frá spurningaskránni og koma að henni aftur síðar ef glugginn er opinn og ekki slökkt á tölvunni eða vafranum. Svörin mega gjarnan vera löng og ítarleg. Jafnframt er bent á þann möguleika að skrifa svörin fyrst í ritvinnsluskjali (Word) og líma þau svo inn hér („hefja svörun“). Einnig má skila í tölvupósti til agust@thjodminjasafn.is.

HÉR er bæði hægt að skoða allar spurningarnar fyrirfram og sækja PDF-skjal.

Þeir sem kjósa að tala svör sín inn á upptökutæki geta sent hljóð- eða vídeóupptökur hérna. Hið sama gildir um ljósmyndir. Móttökunetfangið er agust@thjodminjasafn.is (á We Transfer). Þjóðminjasafnið áskilur sér fullan afnotarétt af upptökum og ljósmyndum, sbr. skilmálana hér að neðan. Vinsamlegast takið fram ef aðeins má nota þetta efni við rannsóknir. - Einfaldast er að nota farsíma við upptökurnar.

Frekari upplýsingar eru veittar í síma 530 2294 en einnig má senda tölvupóst á agust@thjodminjasafn.is.