Leita



Vinsamlega sýnið biðlund

Laufabrauðshefðir

ÞMS
Spurningaskrá 2020-3
Hlaða öllum svörum niður í PDF

Laufabrauðshefðir

Þjóðminjasafn Íslands

Spurningaskrá 130

 

Markmiðið með þessari spurningaskrá er að safna frásögnum um laufabrauðsgerð og eigin reynslu eða upplifanir fólks af henni. Söfnunin er unnin í samstarfi við verkefnið Lifandi hefðir hjá Stofnun Árna Magnússonar og meistaranema í þjóðfræði við Háskóla Íslands. Á grundvelli svara við spurningaskránni, og viðtala sem tekin hafa verið, skapast fræðilegar undirstöður til að vinna að hugsanlegri tilnefningu laufabrauðshefðarinnar á lista UNESCO yfir óáþreifanlegan menningararf heims.

Þær frásagnir sem berast verða varðveittar í menningarsögulega gagnagrunninum Sarpi og gerðar öllum aðgengilegar, nema annað sé tekið fram. Nöfn heimildarmanna birtast ekki á netinu.

Laufabrauð er fyrst nefnt í heimildum frá 18. öld, en ekki er vitað hvenær það var fyrst búið til. Þess er næst getið á síðari hluta 19. aldar og er þá aðallega bundið við Norður- og Norðausturland. Brauðið var einkum haft til hátíðabrigða um jólin. Laufabrauðsgerð hefur átt auknum vinsældum að fagna og víða verið tekin upp, sérstaklega eftir 1950.

 

Myndin sýnir konu steikja laufabrauð um 1960-1965. (Þjóðminjasafn Íslands. Lpr-2005-98)