Heimildarmaður: Jón Bjarnason, fæddur 1885 á Þorvaldsstöðum í Breiðdal; flutti að Búðum 1900. Stefán Einarsson skráði.

Landamerki Geststaða og Kirkjubóls eru í Kamb (1) ytra megin í Hoffellsgjá (2) og niður við Höfðahornið (3) og svo suður á Nesið (4) (Kirkjubólsnes (5)). Landamerki milli Tungu og Kirkjubóls: Kirkjuból átti hálft Árfall (6), sem var eyri í ánni eða hólmi. Tunga átti hálft.
Engi er uppi undir Hoffelli (7), sem heitir Mýrdalur (8), hálfur Geststöðum, hálfur Kirkjubóli. Fyrir utan Hoffell heitir Hoffellsdalur (9). Þar fyrir utan heitir fjall Þverfell (10). Niður úr því eru balar, kallaðir Kast(h)ólsbalar (11). Þá er komið út að landamerkjum Búða.
Stekkalækur (12) Björn Daníelsson heldur það réttara.
er landamerki milli Búða og Kirkjubóls. Kirkjubólsá (13) kemur úr Hoffellsdal. Grundará (14) kemur ofan frá Guðrúnarskörðum (15) tveim. Breiðdalsskarð (16) er upp af Búðafelli (17) og Þverfelli. Búðir eiga land að Grundará fyrir ofan Brún (18), svo út Brún og niður með Stekkalæk og suður í ósinn á Leirunum (19) og hálft Heimarifið (20) við fjarðarbotninn. Stekkalækur kemur ofan í Krókinn (21) (Krókana (22) (B.D.))
Grímseyri (23) heitir fyrir innan kirkjugarð. Upp af Stekk (24) er Fénaðarhryggur (25); út frá honum er Grenishjalli (26). Út frá honum er Dýjahjalli (27), en fyrir neðan hann er Engihjalli (28); heyjað var á öllum hjöllum. Í Búðaheiði (29) Í hdr. Búðar-.
, fyrir ofan hjallana, og út af henni, eru Hábotnamelar (30). Upp af henni eru Kvosir (31), liggja til Guðrúnarskarða. Upp af þeim [Hábotnamelum] er Eggin (32), sem liggur inn til Búðafells Í hdr. Búðar-.
og þar þvert fyrir Gilsárdal. Hann tilheyrir Kappeyri, en landamerki eru á Egginni. Merki milli Búða og Kappeyrar er foss í Merkigilslæk (33) í Engihjallabrún, lækurinn ræður merkjum niður í sjó, en síðan er stefna úr Fossi (34) og í hnúk á Hábotnamelum.
Hermannskofalækur (35) er fyrir utan Stekkinn. Hermannskofi (36) var rétt innan við lækinn; þar bjó karl. Á Stekknum var stekkað. Hesthústún (37) hét fyrir innan og ofan bæ á Búðum. Bæjarlækur (38) hét Búðalækur (39), Smiðjuhóll (40) hét fyrir utan hann. Þar fyrir utan var Steinholtslækur (41) og Steinholt (42), húsið, sem þar var á Búðatúni. Naust (43) (Búðanaust (44)) hétu fyrir neðan Steinholt; þar voru fiskihjallar og uppsátur báta. Þar rétt fyrir ofan var blettur, kallaður Gullbringa (45). Það var yzti blettur í túninu. Þar fyrir utan var Sjólyst (46); þar bjó Sigbjörn Þorvarðarson frá Búðum.
Lækir fyrir utan Búðir: Rústarlækur (47) kemur úr Torfugili (48), stundum kallaður Nýjabæjarlækur (49). Álfamelur (50) er fyrir utan Rústarlæk (en Ás nú neðst í honum); þar stendur nú kirkjan. Fyrir neðan hana var Álfamelsvík (51) og Skútuklöpp (52) innan og ofan við víkina. Þar voru oft haldnar álfabrennur. Álfamelslækur (53) var fyrir utan Álfamel (löngu fyrir byggð í þorpi). Geirmundur bjó utan við Geirmundarlæk (54), sem nú heitir Skólalækur (55). Baldurshagalækur (56) er innan við Baldurshaga (57). Svo er Sunnuhvolslækur (58) fyrir innan Sunnuhvol (59), svo er lækur fyrir innan læknishús (Læknishúslækur (60)), en Merkilækur (61) er fyrir utan spítala, nú kallaður Spítalalækur (62).
Stafrófsskrá örnefna

Álfamelslækur 53
Álfamelsvík 51
Álfamelur 50
Árfall 6
Baldurshagalækur 56
Baldurshagi 57
Breiðdalsskarð 16
Brún 18
Búðafell 17
Búðalækur 39 = 38
Búðanaust 44 = 43
Búðaheiði 29
Bæjarlækur 38 = 39
Dýjahjalli 27
Egg(in) 32
Engihjalli 28
Fénaðarhryggur 25
Foss 34
Geirmundarlækur 54 = 55
Grenishjalli 26
Grímseyri 23
Grundará 14
Guðrúnarskörð 15
Gullbringa 45
Hábotnamelar 30
Heimarif 20
Hermannskofalækur 35
Hermannskofi 36
Hesthústún 37
Hoffell 7
Hoffellsdalur 9
Hoffellsgjá 2
Höfðahorn 3
Kambur 1
Kasthólsbalar 11
Kirkjubólsá 13
Kirkjubólsnes 5 = 4
Krókar 22 = 21
Krókur 21 = 22
Kvosir 31
Leirur 19
Læknishúslækur 60
Merkigilslækur 33
Merkilækur 61 = 62
Mýrdalur 8
Naust 43 = 44
Nes(ið) 4 = 5
Nýjabæjarlækur 49 = 47

Rústarlækur 47 = 49
Sjólyst 46
Skólalækur 55 = 54
Skútuklöpp 52
Smiðjuhóll 40
Spítalalækur 62 = 61
Steinholt 42
Steinholtslækur 41
Stekkalækur 12
Stekkur 24
Sunnuhvoll 59
Sunnuhvolslækur 58
Torfugil 48
Þverfell 10