Svavar Guðnason (1909-1988)

Einræðisherrann - 1948 –49

,,Árið 1948 voru listamannasamtökin Cobra stofnuð í París af dönskum, belgískum og hollenskum listamönnum. Þeir listamenn sem tilheyrðu danska Höst-hópnum urðu sjálfkrafa meðlimir þar á meðal Svavar. Hann tók þátt í fyrstu sýningu Cobra í Kaupmannahöfn, en sökum flokkadrátta og illdeilna tók hann ekki þátt í frægustu sýningu Cobra sem haldin var haustið 1949 í Amsterdam. Það er ekki ólíklegt að Svavar hafi ætlað að sýna Einræðisherran í Amsterdam. Verkið er málað veturinn 1948-9, en þá bjó Svavar í sumarbústað í túninu við Laxnes. Hann sýndi verkið í fyrsta sinn í snjóskafli við Gljúfrastein en síðan á sýningu í Listamanaskálanum vorið 1949. Sýningin var haldin í kjölfa óeirðanna á Austurvelli í marslok 1949 þegar inngöngu Íslands í NATO var mótmælt. Danska heiti verksins er Krigshunden og það er í raun hápólitískt. Aftan á verkið hefur Svavar límt úrklippu úr dönsku blaði: Svavar Guðnason, Krigshunden. Táknar, eftir því sem sagt er, íslenskan ráðherra sem vildi selja Ísland til Ameríku.’’ - GJÖFIN TIL ÍSLENZKRAR ALÞÝÐU bls. 152