Næla úr bronzi, ein af hinum algengu, sporöskjulöguðu og kúptu, tvöföldu nælum.  Hún er með gyllingu, nær óskemdri, að utan, bæði á undirhvolfinu og yfirhvolfinu gagnskorna, en fagurgræn spansgrænuhúð er að innan.  Járnþornið er heilt í, en vitanlega gagnbrunnið af ryði.  Við það loðir enn dálítið af ljereptsskeptunni og ullar og gildum, tvinnuðum ullartygli.  Naglarnir, sem hafa haldið yfirhvolfinu föstu á, eru í allir, með smáhnoði að neðan, en hafa gengið upp í blý(?)-hausa eða hálfkúlur, sem hafa verið á yfirhvolfinu til skrauts að ofan, fjórir: - eru nú settir grænir hausar úr parafíni í þeirra stað, því að af hinum upprunalegu hausum fylgdu engar leifar.  L. 11,5, br. 7,8: h. á miðtyppi 4 cm.  Gerðin hin sama og á nr. 6411 o.fl., sbr. Montelius Sv. forns. nr. 551, og Rygh, Norske Oldsager nr. 652.  - Af spansgrænu á neðra skoltinum af beinunum nr. 7345, sem fundust með þessari nælu, og á herðarblaðsbroti og viðbeini m.fl. úr sömu beinum má sjá að þessi næla hafi legið nálægt þeim beinum, verið notuð efst á brjóstinu: sbr. þó enn fr. næsta nr.  - Næla þessi og þessi dys, er hún fannst í, sbr. nr. 7345, er að líkindum frá 10. öld.