b. Jaðar eða hálsmál af kyrtli (eða möttli?), eða faldur: hann er úr þykku efni, stunginn í röðina með gulleitu (?) fóðri undir þykku: milli yfirborðsins og fóðursins er stungið þunnum ofnum dúk, sem líklega er efnið í kirtlinum: hefur hann þannig gengið inní borða þann sem verið hefur á jöðrunum, áferðin á þessu efni virðist hin sama og á efni því sem ryðgað er fast við járnmolana (c) sem fylgja fundi þessum. Yfirborð jaðarsins er mislitt en örðugt að greina liti, sökum þess hve það er orðið upplitað, það virðist hafa verið rautt og grænt með snúnum fléttingum krókóttum. Þessi jaðarpartur er 10 sentim. á lengd og tæp 2 sm. á breidd.