Rímtal íslenzkt, skrifað á hvítt pergament, um 8 cm. breiðar lengjur, 6 alls, sem eru límdar og saumaðar saman, hver við endann á annari, og er lengdin alls. 262 cm. Er lengjan öll alskrifuð beggja vegna með fallegu settletri frá því um 1600, með svörtu og rauðu bleki. Er annars vegar heilt mánaða- eða daga-tal, hins vegar rímtal, og er þar endir ársins annars vegar, sem byrjunin er hins vegar, á upphafsenda lengjunnar. Lengjan er undin inn í sívalt látúnshylki, l. 8,7 cm., þverm. 3,5 cm.: er ás í gegnum það endilangt og sveif á að utan, svo að vinda má lengjuna upp á ásinn og inn í hylkið. Hylkið er með skrautlegum blómgrefti og við endana eru leturlínur umhverfis.  VERBUM : DOMINI: MANET: -- IN: AETERNUM: ESA:.Á öðrum endafletinum er einnig leturlína í kring: ANNO: M: DC:- XV, þ.e. MDCXV, 1615: en á hinum, umhverfis, sveifina, eru grafnar rúnir í hring : (rúnir sem ekki er hægt að skrifa. SA.), þ.e. Snorre Jón[s]son á rímed. - Rímtalið er vel læsilegt, og ætti að gefast út. - Var lagt til þjóðminjasafnsins í Höfn frá Kunstkammeret þar árið 1848. (10344).