Leita



Vinsamlega sýnið biðlund
Vantar lýsingu
 Mitt safn

Landfræðileg staðsetning


HeitiTrafaöskjur
Ártal1730-1750

StaðurSteinsholt 1
ByggðaheitiEystrihreppur
Sveitarfélag 1950Gnúpverjahreppur
Núv. sveitarfélagSkeiða- og Gnúpverjahreppur
SýslaÁrnessýsla
LandÍsland

GefandiSúsanna Halldórsdóttir 1929-2009

Nánari upplýsingar

NúmerBÁ/2009-2
AðalskráMunur
UndirskráAlmenn munaskrá
Stærð10,5 x 23 cm
EfniViður

Lýsing

Trafaöskjur úr viði með útskornu loki. Gripurinn hefur verið saumaður saman með tágarbandi á hliðinni og það sama á við lokið. Botninn og toppurinn á lokinu hafa verið negld á með litlum nöglum. Naglagötin eru þó flest auð og lok og botn hefur verið styrkt með lími. Grænt filtefni er á lokinu innanverðu og í botni öskjunnar. Lítill hnúður er í miðju loki, þó ekki nógu stór til að nota við að lyfta lokinu. Sprunga er þvert yfir lokið.
Þessi saga fylgdi gripnum:
Þær átti Guðbjörg fædd 1731 svo dóttir hennar Kristín kona Gottsveins Jónssonar bónda í (Steinholti segir á miða frá gefanda) Steinsholti í Gnúpverjahreppi. Gottsveinn var faðir Sigurðar Gottsveinssonar er lenti í Kambsráni 1827. En Kristín var móðir Sigurðar og þeirra systkyna sem voru átta. Kristín gaf öskjurnar sonardóttur sinni Guðbjörgu Jónsdóttur (Gömlu Guddu) í Mundakoti. Gamla Gudda gaf Jóhönnu Helgadóttur á Bergi á Eyrarbakka öskjurnar eftir sinn dag. Jóhanna Helgadóttir gaf þær Jóni Atla Jónssyni til varðveislu árið 1950.  Gefandinn Súsanna Halldórsdóttir var kona Jóns Atla og Jón Gunnar Gíslason sem afhenti gripinn og Jón Atli voru systkinasynir. Jóhanna á Bergi var feiknalega fróð og myndarleg kona og margir vildu eiga hana. Sagt var að í öskjunum væru lengi vel geymd 13 biðilsbréf til Jóhönnu á Bergi sem aldrei giftist.

Þetta aðfang er í Byggðasafni Árnesinga. Fjöldi færslna hjá safninu var í árslok 2010 sem hér segir: Fornleifar 996, munir 6055, myndir í mannamyndaskrá 2771 og myndir í þjóðlífsmyndaskrá 3141.

 

Safnkosturinn er að stærstum hluta skráður í Sarp. Eftir er að yfirfara öll innfærð gögn en fullyrða má að villur séu fáar.


Birting gagna í Sarpi er á ábyrgð viðkomandi safns.