Glósubók Grétars F. Felixsonar um ýmsar flugvélar. Bókin er ljósgræn og farið að sjá á henni. Á hana er skrifað  Douglas DC-8-63/73 og 43-55-62-61. Á kilinum stendur: Douglas DC-8. Á blaðsíðum eru bláir merkimiðar sem standa út.  Í bókinni eru handskrifaðar upplýsingar um ýmsar Douglas vélar Loftleiða.

Grétar Felix Felixson fæddist í Reykjavík 7. júní 1947. Hann lést 25. janúar 2022.

Grétar var rafeindavirki að mennt. Á yngri árum starfaði hann sem hlaðmaður hjá Loftleiðum, þá rak hann eigið radíóverkstæði og var til sjós, en starfaði lengst af hjá varnarliðinu á Keflavíkurflugvelli.

Grétar var mikill flugáhugamaður og var virkur félagi í Flugbjörgunarsveitinni. Hann var einn af stofnfélögum Íslenska flugsögufélagsins og vann m.a. við endursmíði á flugvélinni TF-ÖGN, sem er fyrsta flugvélin sem er alfarið hönnuð og smíðuð á Íslandi.