Almenn leit
Ath! hægt er að víkka leit með því að setja * í stað endingu leitarorða. T.d Reykja* til að fá niðurstöður sem innihalda Reykjalundur, Reykjadalur, Reykjavík, Reykjavíkurvegur o.s.frv.
Ath! hægt er að þrengja leit með því að nota gæsalappir t.d "Einar Jónsson"
Ef leitarorð er slegið inn í leitarboxið, þar sem stendur "Sláðu inn leitarorð..." fer leitin fram í heildarsafni, þ.e. hjá öllum söfnunum og í öllum tegundum aðfanga í öllum skráningarsvæðum fyrir nöfn, efnisorð, staðsetningar, aldur, númer, efni og textasvæði.
Með tegundum aðfanga er m.a. átt við ýmis konar muni (gripi), ljósmyndir, myndlist, hönnun, svör við spurningaskrám um þjóðhætti og örnefnalýsingar.
Nafnasvæði hafa mismunandi yfirskriftir eftir tegundum aðfanga, t.d. eigandi, finnandi, höfundur, gefandi, listamaður, ljósmyndari, notandi, smiður og útgefandi.
Efnisorð hafa einnig mismunandi yfirskriftir eftir tegundum aðfanga, þ.e. efnisatriði, efnisinntak, hlutverk, heiti, myndefni, notkun og skreyti.
Með staðsetningum er átt við heiti bæja, götuheiti og númer, byggðaheiti, sveitarfélag 1950, núv. sveitarfélag, sýslu og land.
Staðsetning hefur mismunandi merkingu eftir aðfangategundum:
- Þegar um mun er að ræða er átt við þann stað (bæ, hús í þéttbýli, byggðaheiti (t.d. sveit), sveitarfélag, sýslu eða land) þar sem hann var notaður. Sama á við um mynt, bækur, skjöl og teikningar.
- Ef aðfangið er ljósmynd eða listaverk er átt við staðsetningu myndefnis (bæ, hús í þéttbýli, byggðaheiti (t.d. sveit), sveitarfélag, sýslu eða land).
- Sé aðfangið fornleif, jarðfundur eða örnefnalýsing er staðsetningin að jafnaði jörð eða lóð í þéttbýli.
- Með staðsetningum þjóðháttaupplýsinga er svo átt við það landsvæði sem lýsingin nær til, oftast ákveðna jörð, byggðaheiti (t.d. sveit), sveitarfélag eða sýslu.
Að víkka eða þrengja leit
Í fyrsta sinn sem leitað er fer leitin aðeins fram í færslum með myndum og er leitað eftir svæðum sem innihalda nöfn, efnisorð, staðsetningar, söfn, textasvæði, aldur, númer (safnnúmer), undirskrá og efni (t.d. gripa) sbr. hökin í
síunni hér fyrir neðan. Þegar leitarniðurstöður liggja fyrir er bæði hægt að víkka leitina eða þrengja með síunni sem birtist fyrir ofan niðurstöðurnar og innheldur eftirfarandi möguleika:
Að víkka leit
Hægt er að víkka leitina með eftirfarandi hætti:
- Ef endingum leitarorða er sleppt og stjarna sett fyrir aftan fæst víðari leit. T.d. ask* í staðinn fyrir Askur eða Askja. Slík leit nær til allra leitarsvæða.
Að þrengja leit
Hægt er að þrengja leitina með eftirfarandi hætti:
- Afhaka "Birta einnig aðföng án mynda".
- Haka við "Leita í síðustu leitarsniðurstöðum" og afhaka þau svæði sem ekki á að leita í. Þá fer leitin aðeins fram í svæðinu/svæðunum sem hakað er við.
- Setja gæsalappir fyrir framan og aftan það sem skráð er í nafnareiti, t.d. "Jón Sigurðsson" til að leitin miðist aðeins við þá samsetningu.
- Með því að smella á hnappana fyrir aftan Öll söfn og Öll aðföng er svo hægt að afmarka leitina við ákveðna aðfangategund hjá ákveðnu safni.
Leitarniðurstöður – Röðun
Færslur sem birtast í leitarniðurstöðum raðast eftir vélrænu auðkennisnúmeri sem hver færsla fær þegar hún er skráð á innri vefinn og er hæsta númer efst en lægsta neðst. Þetta gerir það að verkum að efst raðast aðföng sem síðast hafa verið skráð í gagnasafn Sarps 3.0 og neðst þau sem lengst hafa verið í gagnasafninu.