Leita



Vinsamlega sýnið biðlund
EfnisatriðiSöngvakeppni evrópskra sjónvarpsstöðva
Ártal1980-2019
Spurningaskrá126 Eurovision-hefðir

Núv. sveitarfélagKópavogsbær
SýslaGullbringusýsla (2500) (Ísland)
LandÍsland
Kyn / Fæðingarár
heimildarm.
Kvenkyns / 1947

Nánari upplýsingar

Númer2019-1-200
AðalskráÞjóðhættir
UndirskráSpurningaskrár - Svör
Sent/Móttekið6.5.2019/12.5.2019
TækniTölvuskrift

Kafli 1 af 7 - Fyrir daga beinnar útsendingar

Í hve miklum mæli fylgdist þú með söngvakeppninni áður en farið var að senda hana beint út á Íslandi?

Ég heyri umfjöllun um keppnina á Ruv Rás 2, fylgist með þáttum Felix Bergssonar Alla leið.


Var haldið upp á keppnina í þá daga? Hvernig, ef svo var?

Nei...



Kafli 2 af 7 - Áhorf í beinni útsendingu

Hverju breytti það fyrir þig að farið var að senda söngvakeppnina út beint?

Það var meira spennandi, heldur en útsending eftir á.


Hve mikið hefur þú fylgst með keppninni í gegnum tíðina? Er fylgst með öll kvöldin?

Fylgist yfirleitt með öll kvöldin, allavega úrslitakvöldið.


Hve löngu fyrir keppnina er byrjað að fylgjast með? En eftir keppnina? Fylgist þú t.d. með kynningu á keppendum eða þáttum þar sem spekingar spá fyrir um úrslitin?

Ég fylgist ekki með af sérstökum áhuga s.s. á vefmiðlum, en þáttum á Rás 2 er oftlega umfjöllun um keppendur.


Nokkur undanfarin ár hefur íslenska úrslitakeppnin verið send beint út frá Háskólabíó, hefur þú farið og ef svo er hvernig upplifun er það?

Nei, ég er ekki svo eldheitur fylgjandi.



Kafli 3 af 7 - Keppnin í heimahúsum

Lítur þú hugsanlega á sönglagakeppnina sem hátíð og ef svo er af hverju? Á það við einhvern sérstakan dag keppninnar fremur en annan? Hvaða dag?

Keppnin er góð tilbreyting, einnig spennandi hvort íslenskir keppendur komist úr undankeppni.


Margir eru með Evrovision-partí eða -boð í heimahúsum, hvenær manst þú fyrst eftir að farið var að halda þau? Hefur þú sjálf(ur) haldið þannig partí eða tekið þátt í þeim? Hverjum er boðið?

Ekki sérstök partí í minni fjölskyldu, en við komum sum saman og horfum saman. Ekkert sérstakt partí eða hátíð.


Ef að þú heldur ekki boð eða partí, hvers vegna gerir þú það ekki?

Hef gegnum tíðina verið lítt hrifin af partíum, en við systkinin höfum stundum komið saman af þessu tilefni. Börnin eru oft áhugasöm, sem dvínar á unglingsaldri.


Kannast þú við að fólk skreyti hýbýli sín að utan eða innan í tilefni af keppninni? Hvernig skreytingar eru þetta, ef svo er? Hve lengi hafa þannig skreytingar tíðkast?

Þekki ekki fólk sem skreytir hýbýli sín í tilefni keppninnar.


Er farið í leiki (hvaða leiki), spurningakeppni eða sungið (hvað er spurt um og hvaða lög eru helst sungin)?

Ekki farið í leiki, en merki við stigin og vel uppáhalds flytjanda.


Þekkir þú að veðjað sé um hvaða lag vinnur og hvað er í verðlaun? Ef svo er, segðu frá því hvernig þetta gengur fyrir sig.

Veðja aldrei...á neitt.


Kannast þú við að höfð séu þemu í Eurovision-partíum? Hvaða þemu ef svo er? En að fólk klæðist búningum og þá hvernig búningum?

Nei


Hvaða veitingum (mat og drykk) manst þú eftir að boðið hafi verið upp á?

Stundum grillað


Hvort er haldið meira upp á íslensku forkeppnina eða alþjóðlegu keppnina að þínu mati? Eru haldin partí í tilefni af báðum keppnunum og hvaða munur er á þeim, ef einhver? Hve lengi stendur gleðin eftir að keppninni lýkur?

Það er misjafnt.



Kafli 4 af 7 - Partí á skemmtistöðum

Hefur þú farið í Eurovision-partí á börum eða skemmtistöðum? Hvaða stöðum? Hvað er gert í þessum partíum?

Nei


Hvaða skemmtikröftum manst þú eftir sem komið hafa fram? Áttu þér einhvern uppáhalds skemmtikraft?

Engan sérstakan, en margir eftirminnilegir sérstaklega íslenskir s.s. flytjendur Gleðibankans, Halla Margét, Selma, Stjórnin, Páll Óskar o.fl.Líkaði ekki við Silvíu Nótt.


Kannast þú við And-Eurovision-partí? Hvar hafa þau verið haldin og hvað er gert? Hefur þú mætt? Þekkjast slík partí í heimahúsum?

Nei



Kafli 5 af 7 - Eurovision á vinnustöðum

Er fylgst með söngvakeppninni á vinnustöðum? Hvernig, ef svo er?

Nei


Veðja vinnufélagar um hvaða lag vinnur? Hvernig ganga þessi veðmál fyrir sig,ef svo er, og hvað er í verðlaun?

Nei


Getur þú sagt frá Eurovision hefðum á leikskólum?

Nei



Kafli 6 af 7 - Á erlendri grundu

Hefur þú sótt keppnina heim í útlöndum? Hvernig upplifun var það og hvað er þér helst minnisstætt?

Nei


Hvað annað hafðir þú fyrir stafni í ferðinni en að fylgjast með keppninni?

Á ekki við



Kafli 7 af 7 - Annað

Segðu frá því sem þér finnst um söngvakeppnina. Hvaða máli skiptir hún fyrir þig? Ef að þú heldur ekki upp á keppnina er eigi að síður mikilvægt að fá upplýsingar um afstöðu þína til hennar.

Keppnin er fyrst og fremst afþreying á vegum evrópskra sjónvarpsstöðva, þess vegna er óviðeigandi að Ástralar og Ísraelar séu fullgildir þátttakendur. Þjóðir utan Evrópu gætu verið gestir, en ekki fullgildir þátttakendur.Þess vegna er óviðeigandi að keppni evrópskra sjónvarpsstöðva fari fram í Ísrael, fyrir utan annað álit á þeim.


Þetta aðfang er í Þjóðminjasafni Íslands. Safnið varðveitir um 7 milljónir mynda, um 130 þúsund muni og rúmlega 26 þúsund færslur um þjóðhætti. Í húsasafni eru um 60 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.

Verðskrá myndapantana