Leita



Vinsamlega sýnið biðlund
EfnisatriðiSöngvakeppni evrópskra sjónvarpsstöðva
Ártal1980-2029
Spurningaskrá126 Eurovision-hefðir

Núv. sveitarfélagAkureyrarkaupstaður
SýslaEyjafjarðarsýsla
LandÍsland
Kyn / Fæðingarár
heimildarm.
Karlkyns / 0

Nánari upplýsingar

Númer2019-1-181
AðalskráÞjóðhættir
UndirskráSpurningaskrár - Svör
Sent/Móttekið6.5.2019/8.5.2019
TækniTölvuskrift

Kafli 1 af 7 - Fyrir daga beinnar útsendingar

Í hve miklum mæli fylgdist þú með söngvakeppninni áður en farið var að senda hana beint út á Íslandi?

Ég var bara barn en man að ég horfði yfirleitt á þetta.


Var haldið upp á keppnina í þá daga? Hvernig, ef svo var?

Nei, engin hátíðahöld.



Kafli 2 af 7 - Áhorf í beinni útsendingu

Hverju breytti það fyrir þig að farið var að senda söngvakeppnina út beint?

Engu.


Hve mikið hefur þú fylgst með keppninni í gegnum tíðina? Er fylgst með öll kvöldin?

Ég hef horft á þetta, með mestan áhuga á stigagjöfinni. Nei, ég fylgist bara með úrslitakvöldinu.


Hve löngu fyrir keppnina er byrjað að fylgjast með? En eftir keppnina? Fylgist þú t.d. með kynningu á keppendum eða þáttum þar sem spekingar spá fyrir um úrslitin?

Reyni að forðast þetta fyrir aðalkeppnina. Fylgist aldrei með undankeppnum, finnst það þreytandi.


Nokkur undanfarin ár hefur íslenska úrslitakeppnin verið send beint út frá Háskólabíó, hefur þú farið og ef svo er hvernig upplifun er það?

Hef ekki farið og myndi aldrei nenna því.



Kafli 3 af 7 - Keppnin í heimahúsum

Lítur þú hugsanlega á sönglagakeppnina sem hátíð og ef svo er af hverju? Á það við einhvern sérstakan dag keppninnar fremur en annan? Hvaða dag?

Nei, ekki hátíð. Ágætis skemmtun eitt kvöld og búið.


Margir eru með Evrovision-partí eða -boð í heimahúsum, hvenær manst þú fyrst eftir að farið var að halda þau? Hefur þú sjálf(ur) haldið þannig partí eða tekið þátt í þeim? Hverjum er boðið?

Hef einu sinni á ævinni farið í Júróvisjónpartí. Það var reyndar ágætt.


Ef að þú heldur ekki boð eða partí, hvers vegna gerir þú það ekki?

Hef bara ekki nægan áhuga á þessu.


Kannast þú við að fólk skreyti hýbýli sín að utan eða innan í tilefni af keppninni? Hvernig skreytingar eru þetta, ef svo er? Hve lengi hafa þannig skreytingar tíðkast?

Nei, þekki það ekki.


Er farið í leiki (hvaða leiki), spurningakeppni eða sungið (hvað er spurt um og hvaða lög eru helst sungin)?

Fórum í drykkjuleiki um bæði keppnina (t.d. er hækkun í laginu) eða stigagjöfina.


Þekkir þú að veðjað sé um hvaða lag vinnur og hvað er í verðlaun? Ef svo er, segðu frá því hvernig þetta gengur fyrir sig.

Nei hef ekki tekið þátt í því.


Kannast þú við að höfð séu þemu í Eurovision-partíum? Hvaða þemu ef svo er? En að fólk klæðist búningum og þá hvernig búningum?

Kannast ekki við þemu.


Hvaða veitingum (mat og drykk) manst þú eftir að boðið hafi verið upp á?

Létt snarl, gos og áfengi.


Hvort er haldið meira upp á íslensku forkeppnina eða alþjóðlegu keppnina að þínu mati? Eru haldin partí í tilefni af báðum keppnunum og hvaða munur er á þeim, ef einhver? Hve lengi stendur gleðin eftir að keppninni lýkur?

Mér finnst þetta farið að snúast meira um forkeppnina núna. Þekki bara partí um lokakeppnina.



Kafli 4 af 7 - Partí á skemmtistöðum

Hefur þú farið í Eurovision-partí á börum eða skemmtistöðum? Hvaða stöðum? Hvað er gert í þessum partíum?

Nei, hef ekki farið.


Hvaða skemmtikröftum manst þú eftir sem komið hafa fram? Áttu þér einhvern uppáhalds skemmtikraft?

Cezar frá Rúmeníu, Lordi, Bobbysocks. Á engan uppáhalds nema kannski Cezar.


Kannast þú við And-Eurovision-partí? Hvar hafa þau verið haldin og hvað er gert? Hefur þú mætt? Þekkjast slík partí í heimahúsum?

Kannast ekki við And-Júróvisjónpartí en væri miklu frekar til í það en Júróvisjónpartí.



Kafli 5 af 7 - Eurovision á vinnustöðum

Er fylgst með söngvakeppninni á vinnustöðum? Hvernig, ef svo er?

Ekki mínum vinnustað.


Veðja vinnufélagar um hvaða lag vinnur? Hvernig ganga þessi veðmál fyrir sig,ef svo er, og hvað er í verðlaun?

Engin Júróstemning á mínum vinnustað sem ég veit um. Kannski tölvudeildin, gæti trúað þeim til þess.


Getur þú sagt frá Eurovision hefðum á leikskólum?

Þekki þær ekki.



Kafli 6 af 7 - Á erlendri grundu

Hefur þú sótt keppnina heim í útlöndum? Hvernig upplifun var það og hvað er þér helst minnisstætt?

Hef ekki farið.


Hvað annað hafðir þú fyrir stafni í ferðinni en að fylgjast með keppninni?

Hef ekki farið.



Kafli 7 af 7 - Annað

Segðu frá því sem þér finnst um söngvakeppnina. Hvaða máli skiptir hún fyrir þig? Ef að þú heldur ekki upp á keppnina er eigi að síður mikilvægt að fá upplýsingar um afstöðu þína til hennar.

Mér finnst þetta skemmtilegt eitt kvöld á ári en mér finnst þetta orðið of mikið með allar þessar undankeppnir: þær skemma fyrir, því atriðið sjálft er yfirleitt bara fyndið einu sinni og lögin eru undantekningalítið hundómerkileg.


Þetta aðfang er í Þjóðminjasafni Íslands. Safnið varðveitir um 7 milljónir mynda, um 130 þúsund muni og rúmlega 26 þúsund færslur um þjóðhætti. Í húsasafni eru um 60 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.

Verðskrá myndapantana