Leita



Vinsamlega sýnið biðlund
EfnisatriðiSöngvakeppni evrópskra sjónvarpsstöðva
Ártal2005-2019
Spurningaskrá126 Eurovision-hefðir

Sveitarfélag 1950Stykkishólmshreppur
Núv. sveitarfélagStykkishólmsbær
SýslaSnæfells- og Hnappadalssýsla
LandÍsland
Kyn / Fæðingarár
heimildarm.
Kvenkyns / 0

Nánari upplýsingar

Númer2019-1-178
AðalskráÞjóðhættir
UndirskráSpurningaskrár - Svör
Sent/Móttekið6.5.2019/8.5.2019
TækniTölvuskrift

Kafli 1 af 7 - Fyrir daga beinnar útsendingar

Í hve miklum mæli fylgdist þú með söngvakeppninni áður en farið var að senda hana beint út á Íslandi?

Á ekki við


Var haldið upp á keppnina í þá daga? Hvernig, ef svo var?

Á ekki við



Kafli 2 af 7 - Áhorf í beinni útsendingu

Hverju breytti það fyrir þig að farið var að senda söngvakeppnina út beint?

https://www.thjodminjasafn.is/stofnunin/um-safnid/frettir/eurovision-hefdir


Hve mikið hefur þú fylgst með keppninni í gegnum tíðina? Er fylgst með öll kvöldin?

Ég hef fylgst með eins lengi og ég man eftir mér. Í minni fjölskyldu er fylgst með öll kvöldin en það er mun stærri samkoma á lokakvöldinu, sérstaklega ef Ísland kemst í úrslit.


Hve löngu fyrir keppnina er byrjað að fylgjast með? En eftir keppnina? Fylgist þú t.d. með kynningu á keppendum eða þáttum þar sem spekingar spá fyrir um úrslitin?

Við byrjum að fylgjast með þegar að íslenska forkeppnin er. Við hörfum ekki á öll kvöldin þar en fylgjumst með hverjir eru sigurstranglegir og horfum gjarnan á lokakvöldið. Svo fylgjumst við með því sem er í boði eins og Alla Leið, eða þegar það var samnorrænn þáttur að tala um lögin. Eftir keppnina er ekki svo mikið að gera.


Nokkur undanfarin ár hefur íslenska úrslitakeppnin verið send beint út frá Háskólabíó, hefur þú farið og ef svo er hvernig upplifun er það?

Hef ekki farið þar sem ég bý úti á landi



Kafli 3 af 7 - Keppnin í heimahúsum

Lítur þú hugsanlega á sönglagakeppnina sem hátíð og ef svo er af hverju? Á það við einhvern sérstakan dag keppninnar fremur en annan? Hvaða dag?

Mér finnst laugardagurinn vera svolítið hátíðlegur, maður veit allan daginn að það er eitthvað að fara að gerast um kvöldið. Það er kannski ekki eldaður hátíðiamatur en það eru oft bakaðar kökur og keypt inn sælgæti og svoleiðis. Það er undirbúningur. Stundum er jafnvel skreytt.


Margir eru með Evrovision-partí eða -boð í heimahúsum, hvenær manst þú fyrst eftir að farið var að halda þau? Hefur þú sjálf(ur) haldið þannig partí eða tekið þátt í þeim? Hverjum er boðið?

Ég man eftir því árið 2000 að við horfðum fyrst saman með ættingjum. Það var síðan um 2008 sem að það varð árlegur viðburður að halda svoleiðis boð. Við höldum oft heima hjá mér og bjóðum þá frændfólki og vinum sem búa í nágrenninu.


Ef að þú heldur ekki boð eða partí, hvers vegna gerir þú það ekki?
Kannast þú við að fólk skreyti hýbýli sín að utan eða innan í tilefni af keppninni? Hvernig skreytingar eru þetta, ef svo er? Hve lengi hafa þannig skreytingar tíðkast?

Skreytingar hafa stundum komið fyrir hjá okkur, þá oftast ef íslenska lagið kemst í gegn og þá eru það oftast fánar. Við höfum talað um að reyna að eignast litla fána frá öllum löndum og gera eitthvað skemmtilegt með þeim. Þetta hefur bara verið (í) nokkur skipti núna síðasta áratug sem við höfum skreytt og það hefur ekki verið mikið. Ennþá.


Er farið í leiki (hvaða leiki), spurningakeppni eða sungið (hvað er spurt um og hvaða lög eru helst sungin)?

Við höfum ekki sungið en við höfum oft prentað út stigablöð sem að BBC hefur búið til og gefum atriðunum stig og spáum fyrir um hver vinnur. Sá sem kemst næst fær svo verðlaun (lítill pakki t.d. spil). Ég kannast líka við fólk sem hefur búið til drykkjuleiki úr Eurovision en ég hef ekki tekið þátt í því.


Þekkir þú að veðjað sé um hvaða lag vinnur og hvað er í verðlaun? Ef svo er, segðu frá því hvernig þetta gengur fyrir sig.
Kannast þú við að höfð séu þemu í Eurovision-partíum? Hvaða þemu ef svo er? En að fólk klæðist búningum og þá hvernig búningum?

Hef heyrt að fólk velji land sem það heldur með eða fær úthlutað og kemur þá í búningi tengt því landi (fræg persóna, þjóðbúningur, o.s.frv.)


Hvaða veitingum (mat og drykk) manst þú eftir að boðið hafi verið upp á?

Það er alltaf pizza þegar er Eurovision. Síðan er gos og snakk og nóakropp er alveg nauðsynlegt að hafa.


Hvort er haldið meira upp á íslensku forkeppnina eða alþjóðlegu keppnina að þínu mati? Eru haldin partí í tilefni af báðum keppnunum og hvaða munur er á þeim, ef einhver? Hve lengi stendur gleðin eftir að keppninni lýkur?

Mér finnst meira haldið upp á lokakvöldið, en forkeppnin er vinsælli hjá yngri kynslóðinni. Ég hef ekki reynslu af miklu standi í kringum íslensku forkeppnina. Á mínu heimili erum við flest orðin frekar þreytt þegar að keppninni lýkur, það er kannski smá stuð í fólki að syngja og sprella í svona hálftíma til klukkutíma eftir að útsendingu lýkur, en ekki mikið meira en það. Líka því að oft er mikið af krökkum sem þurfa að komast í ból.



Kafli 4 af 7 - Partí á skemmtistöðum

Hefur þú farið í Eurovision-partí á börum eða skemmtistöðum? Hvaða stöðum? Hvað er gert í þessum partíum?

Nei ég hef ekki gert það.


Hvaða skemmtikröftum manst þú eftir sem komið hafa fram? Áttu þér einhvern uppáhalds skemmtikraft?
Kannast þú við And-Eurovision-partí? Hvar hafa þau verið haldin og hvað er gert? Hefur þú mætt? Þekkjast slík partí í heimahúsum?

Nei ég hef aldrei heyrt um það.



Kafli 5 af 7 - Eurovision á vinnustöðum

Er fylgst með söngvakeppninni á vinnustöðum? Hvernig, ef svo er?

Hef ekki reynslu af því, er námsmaður.


Veðja vinnufélagar um hvaða lag vinnur? Hvernig ganga þessi veðmál fyrir sig,ef svo er, og hvað er í verðlaun?
Getur þú sagt frá Eurovision hefðum á leikskólum?

Kafli 6 af 7 - Á erlendri grundu

Hefur þú sótt keppnina heim í útlöndum? Hvernig upplifun var það og hvað er þér helst minnisstætt?

Nei


Hvað annað hafðir þú fyrir stafni í ferðinni en að fylgjast með keppninni?

Kafli 7 af 7 - Annað

Segðu frá því sem þér finnst um söngvakeppnina. Hvaða máli skiptir hún fyrir þig? Ef að þú heldur ekki upp á keppnina er eigi að síður mikilvægt að fá upplýsingar um afstöðu þína til hennar.

Fyrir mér er Eurovision mjög mikilvæg skemmtun og ómissandi hluti af vorinu. Ég vil helst horfa með vinum og fjölskyldu, oftast sama fólkinu, borða sama matinn og sama sælgætið. Oft hefur keppnin sameinað hóp sem hefur tvístrast þegar fólk flytur í burtu eða fer í skóla til Reykjavíkur, allir koma heim og horfa á Eurovision saman og þannig helst sambandið, svipað og þegar allir koma heim um jólin. Keppnin sjálf kannski skiptir ekki svo miklu máli en þessi viðburður er mikilvægur sama hvað er á skjánum. Allir geta talað saman um keppnina sama hvaða skoðun þeir hafa á ákveðnum atriðum eða lögum eða löndum. Það er auðvitað skemmtilegast þegar Ísland kemst í úrslitin og það er hægt að fylgjast með og halda með Íslandi, en það gerist svo sjaldan að það er ekki hægt að treysta á það.


Þetta aðfang er í Þjóðminjasafni Íslands. Safnið varðveitir um 7 milljónir mynda, um 130 þúsund muni og rúmlega 26 þúsund færslur um þjóðhætti. Í húsasafni eru um 60 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.

Verðskrá myndapantana