Kista úr furu, geirnegld á hornum. Kassinn er 47,5 x 105 cm efst og mjókkar niður. Hæðin á lokbrún er um 49 cm. Lokið er kúpt og nær út fyrir hliðar og gafla. Á göflum eru járnhöldur og skráarlaufið er einnig úr járni, tígullaga. Kistan er grænmáluð, svartar rendur á hornum og lokendum, og á framhliðinni er dökkgrænn laufsveigur er liggur í stórum boga, og á honum þrjár rauðleitar rósir. Af miðju lokinu er málningin mjög fallin, en þar sjást dökkgrænar, gular, svartar og rauðar litaleifar, sem óvíst er þó að tilheyri upphaflegu skrauti. Kistan er erlend, líklega norsk og frá síðustu öld. Lamirnar eru brotnar og skrána vantar svo og handraðann, sem verið hefur til vinstri, en lok hans er þó í enn.