Ferhyrnt veggverk (toppar standa upp úr í miðju), með tveimur vængjum sem hægt er að leggja saman. Fjórir litlir rammar eru efst á verki, í þá er límdur klósettpappír sem hefur verið vélritað á ýmis nöfn á mat. Rammar eru málaðir í mismunandi litum: gulur, bleikur, hvítur og blár. Nöfn á mat innan í römmum eru af mat sem er eins á litinn og litur ramma t.d. bláber í bláa ramma osfrv. Verkið skiptist í þrennt, miðja þar sem rammar eru efstir og tvier vængir út frá miðjunni. Fyrir neðan ramma er átthyrnt gat. Í því er koparstöng og á henni hanga þrjár klósettrúllur í mismunandi litum. Gulum, bleikum og bláum. Miðjustykkið kemur út í hálfhring út frá miðju-opinu. Tveir vængir eru sitthvorum megin við miðjustykkið. Hægt er að "loka" verkinu með þeim. Þegar vængir snúa beint út myndar hálfhringurinn eins og klósettsetuform út frá vængjum. Verkið er málað í gulum, bleikum, hvítum og bláum lit. Það er röndótt og rendur eru jafnbreiðar og rammarnir fjórir.