Gamall handsnúinn peningakassi sem var í Kaupfélaginu á Reyðarfirði. Kassinn er brúnn og mikið krotað á hann með tússi. Það vantar pinna fyrir rúlluna og lok yfir efsta hlutann. Efsti hluti kassans er reiknivél með sjö takkaröðum, sex með tölustöfum en ein með bókstöfum. Litirnir á tökkunum eru dökkbrúnir, grænir, ljósgrænir. Sveifarnar á kassanum eru með rauðum plasthandföngum. Kassinn er Smith-Corona og stendur það framan á honum með upphleyptum stállituðu stöfum. Neðsti hlutinn er peningaskúffa þar sem voru allskonar miðar geymdir undir svörtu plasthólfi undir mynt. Þetta eru nótur, ábyrgðarskírteini, póstkröfumiðar og fl.