Leita



Vinsamlega sýnið biðlund
Lýsingu vantar

Aukaspurning um ljós á gröfum

ÞMS
Spurningaskrá 2005-1
Hlaða öllum svörum niður í PDF

Skrá 104a. Ljósin á gröfunum

Spurt er um þann sið að setja ljós á leiði látinna, um hvers konar ljós er að ræða, hjá hverjum þau eru sett og á hvaða dögum, hve lengi er látið loga, jólatré, grenigreinar og annað skraut, hve gömul þessi venja er og hvaða þýðingu hún hefur fyrir fólk.
Fyrst sent út í janúar 2005. 109 svör. Tölvusett. Einnig voru tekin viðtöl.

Ljósin á gröfunum – spurningaskrá 104a
Þekkist að setja rafmagnsljós eða lifandi ljós á leiði? Setja menn þau hjá fleiri en látnum ættingjum, t.d. vinum?
Um það bil hvaða ár eða áratug var byrjað að setja ljós á leiði? Var það lifandi ljós eða rafmagnsljós?
Á hvaða dögum eru sett ljós á leiði? Hvað voru rafmagnsljósin látin loga lengi? Hvenær var slökkt og hvenær var kveikt? Hvenær var kveikt á kertum?
Hefur þeim dögum fjölgað sem ljós eru sett á leiði? Eru til dæmis sett ljós á afmælisdegi hins látna eða dánarafmæli?
Er vitað hvaða persóna það var sem byrjaði á þessum sið og hvaða atvinnu hafði viðkomandi?
Á um það bil hve margar grafir eru sett rafmagnsljós og lifandi ljós? Hvað er það mikið hlutfallslega?
Hefur þessi siður aukist eða minnkað? Er vitað hvaðan hann kemur?
Hvernig ljós voru notuð fyrir raflýsinguna? Olíuluktir? Kerti í krukkum? Perur sem tengdar voru við rafgeyma?
Hvernig rafmagnsljós voru notuð í upphafi (seríur, ljósakrossar)? Hvað er algengasta raflýsingin núna? Eru notaðar litaðar eða ólitaðar perur? Á fólk lýsingun sjálft eða leigir það hana? Eru notaðir rafgeymar eða batterí? 
Lýsið mismunandi gerðum krossa ef um þá hefur verið að ræða. Þekkjast eða hafa þekkst heimatilbúnir krossar?
Hvenær var farið að nota kertalugir? Hvernig lugtir voru þetta? En útikerti (friðarkerti)?  
Hvort eru algengari lifandi ljós (kerti) eða rafmagnsljós?
Eru eða hafa verið sett jólatré á leiði? Eru þau skreytt með rafmagnsljósum eða á annan hátt? Er þetta algengt? Hvenær var farið að skreyta grafir með jólatrjám?
Eru sett ljós í tré við leiði? Hvernig ljós? Er það algengt? Hvað er þetta gamall siður? 
Hafa verið sett blys sett á leiði á gamlárskvöld? Er það algengt? Eru bæði sett blys hjá börnum og fullorðnum? Hvað er þetta gamall siður? 
Þekkist að skreyta grafir með greinum um jólin? Eru þær bæði skreyttar og óskreyttar? Á hvaða dögum eru þær settar? Hvað er þetta gamall siður? 
Hver er ástæðan fyrir því að setja ljós eða annað skraut á leiði og hvaða þýðingu hefur þessi siður fyrir fólk?
Athugasemdir eða annað sem heimildamaður vill taka fram.

/