Leita



Vinsamlega sýnið biðlund
EfnisatriðiStúdentagarður
Ártal2012
Spurningaskrá116 Hvernig er að búa á Stúdentagörðum?

Sveitarfélag 1950Reykjavík
Núv. sveitarfélagReykjavík
SýslaGullbringusýsla
LandÍsland
Kyn / Fæðingarár
heimildarm.
Kvenkyns / 0

Nánari upplýsingar

Númer2012-1-32
AðalskráÞjóðhættir
UndirskráSpurningaskrár - Svör
Sent/Móttekið13.4.2012/24.4.2012
TækniTölvuskrift

Kafli 1 af 6 - Íbúðin

Hversu lengi hefur þú búið á Stúdentagörðum?

Síðan 1. mars 2012


Hvar bjóst þú áður?

Í lítill stúdíóíbúð í Breiðholti.


Hvernig er að búa í stúdentaíbúð?

Mér líkar það vel. Hér allt í kring eru námsmenn og ég finn lítið fyrir ónæði. Þá er líka þægilegt að geta borgað hita, rafmagn, leigu og net allt í einum pakka og gott að vita til þess að ef eitthvað bilar er hægt að hafa samband við viðgerðamann á svæðinu og ekkert vesen í kringum það.


Hve miklum tíma eyðir þú/þið í íbúðinni?

Ca. 14 tímum á sólarhring.


Hvenær er gott að vera þar og hvenær ekki?

Hér er yfirleitt gott að vera, einu skiptin þar sem ég finn fyrir ónæði er um helgar.


Hverjir eru helstu kostir íbúðarinnar? En gallar?

Gott rými, geymslan er góður kostur, ódýr og örugg leiga, góð staðsetning – stutt í skólann og flest alla þjónustu. Gallarnir við þessa íbúð eru þeir að gluggarnir hér ná hátt til lofts og það eru ekki gardínubrautir fyrir þá efstu gluggana og því er oft mjög bjart hérna, sem er yfirleitt kostur, en galli þegar maður vill sofa út á morgnanna.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 2 af 6 - Heimilið

Hvað var það fyrsta sem var gert þegar flutt var inn í íbúðina (t.d. þrifið, kveikt á kertum, loftað út, settar upp gardínur)?

Húsgögnum og öllu dóti komið fyrir á sínum stað. Raðað í skápa og skúffur og gengið frá.


Hvenær varð íbúðin að „heimili“ og hvað var það einkum sem gerði hana að því?

Ca. Viku eftir að ég flutti inn. Þá var allt komið á sinn stað, eins og ég vildi hafa það. Hver hlutur átti sér stað í íbúðinni og hún var orðin þægilega skipulögð.


Finnst þér að heimilið segi eitthvað um þig/ykkur eða vera einkennandi fyrir þig/ykkur? Að hvaða leyti?

Já, hér eru ný húsgögn, eða húsgögn sem ég hef keypt ný, ólíkt því sem ég hef séð í öðrum stúdentaíbúðum þar sem margir nýta sér það að geta keypt notuð húsgögn eða fá lánað/gefið hjá ættingjum og vinum, en það er ekki fyrir mig. Ég vil eiga mitt dót og mín húsgögn. Ég er líka ung og hér er því ekki mikið af dóti.


Hvað finnst þér vera heimilislegt (t.d. lykt, hljóð, birta/lýsing, tónlist)?

Kertaljós að kvöldi til og öll matar- og bökunarlykt. Mér finnst líka heimilslegt að sjá pínu „drasl“ hér og þar, en í hófi samt!


Gerir þú eitthvað til að skapa heimilislega stemmningu? Hvað, ef svo er?

Mér finnst orðið frekar heimilislegt þegar ég er nýbúin að baka og einnig þegar ég sest niður við sjónvarpið með kertaljós eftir langan dag.


Hvernig er draumaheimilið? Lýstu því hvernig þér finnst að hið fullkomna heimili eigi vera.

Stórt eldhús þar sem allt skipulag er nákvæmlega eftir mínu höfði, gott rými til þess að elda og baka. Ég vil hafa sparistofu og sjónvarpsstofu, og 3-4 svefnherbergi. Húsgögnin vil ég hafa í stíl, vil helst hafa allt frekar stílhreint, en finnst þó gaman að nota liti til þess að brjóta upp. Ég sé fyrir mér mikið hvítt/grátt/svart og svo ýmsa skærlita muni inn á milli til þess að hressa uppá heimilið. Ég sé líka fyrir mér gamla hönnun, t.d. fallega stóla í stofuna.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 3 af 6 - Nágrannarnir

Hvernig eru samskipti við nágranna? Á fólk mikið/lítið sameiginlegt (t.d. partý, barnapössun, heimsóknir)?

Mín einu samskipti við nágranna mína er að bjóða góðan daginn þegar ég mæti þeim í stigaganginum.


Hvernig er sameignin notuð?

Í að komast á milli hæða! Einnig er sameiginlegt þvottahús í kjallaranum, þar geta menn skráð sig á ákveðinn tíma í þvottavélarnar. Fínt fyrirkomulag og gengur vel.


Leika börnin (ef einhver) sér saman?

Ég hef ekki orðið vör við börn hér í blokkinni fyrir utan þau sem eru í leikskólanum sem er í næstu blokk, þau leika sér saman og mér finnst voða notalegt að vakna upp við lætin í þeim á morgnanna.


Um hvað snúast helstu ágreiningsmálin (t.d. hávaða, umgengni, vonda lykt)?

Ég hef ekki orðið vör við neinn ágreining hér.


Reynir þú að kynnast nágrönnum þínum eða heldur þú ákveðinni fjarlægð frá þeim?

Hvorki né.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 4 af 6 - Ljósmyndun, útlit heimilisins

Í þessum hluta ert þú beðin(n) um að taka ljósmyndir af íbúðinni. Í fyrsta lagi er um að ræða yfirlitsmyndir af hverju rými fyrir sig (eldhús, stofa, herbergi/alrými, bað) þar sem greina má glugga, hurðir, húsgögn og innréttingar (5-10 myndir). Í öðru lagi er um að ræða persónulegri nálgun þar sem þú ert beðin(n) um að taka myndir af hlutum, veggskrauti og húsgögnum sem þér eru mikilvæg og af uppáhaldsstaðnum þínum í íbúðinni (5-10 myndir). Þú ert beðin(n) um að merkja myndirnar með tölustöfum og segja frá vali á myndefni og því sem fyrir augu ber á hverri mynd fyrir sig. Mynd 1: Þetta er eldhúsið eins og það leggur sig. Mynd 2: Ónýtanlegt horn, skrifborð og sjónvarp. Mynd 3: Hinn helmingurinn af stofunni, sófi, og barnahorn. Mynd 4: Gangur, mynd af París frá ikea. Mynd 5: Klósettið, ekki mikið sem hægt er að segja. Mynd 6: Skiptidýna, það var allavega hugsað fyrir plássi fyrir henni. Mynd 7: Fjólublá útihurð í stíl við gólfið. Mynd 8: Svefnherbergið, tveir krummar sem hanga á veggnum. Mynd 9: Mynd 10: Mynd 11: Mynd 12: Mynd 13: Mynd 14: Mynd 15: Mynd 16: Mynd 17: Mynd 18: Mynd 19: Mynd 20:

Mynd 1: Hér sést fataskápurinn sem er í íbúðinni og kommóða sem ég keypti mér í Ikea. Mér þykir líka vænt um spegilinn sem sést þarna, en ég fékk hann frá mömmu minni. Hann var gylltur en ég spreyjaði hann matt svartan. Mynd 2: Eldhúsborð og stólar úr Rúmfatalagernum og eldhúsinnréttingin. Mynd 3: Mynd 4: Rúm, náttborð og lampi úr Ikea. Þarna sést í myndina sem mamma mín keypti á handverkssýningu. Mynd 5: Stofan. Sófann fékk ég gefins á Barnalandi, náttborð og sófaborð úr Ikea. Í glugganum er drekatré sem mamma manaði mig til þess að halda lífinu í og þar eru líka myndir af litlum frænkum og frændum. Vasarnir tveir eru jólagjöf frá systur minni. Hér er mjög hátt til lofts og gluggarnir ná alveg upp í loft.  Mynd 6: Baðherbergið  Mynd 7: Glugginn er inn í sturtunni.  Mynd 8:  Útidýrahurðin. Hægra megin við hana er svo geymsla þar sem ég er með frystikistu sem ég keypti notaða þegar ég flutti inn.  Mynd 9: Hér sést spegillinn. Þetta er á móti útidyrahurðinni. Rauða hurðin er inn á baðherbergið.  Mynd 10: Hér eru kertastjakarnir sem mamma átti og gaf mér og þeir sem ég fékk í jólagjöf.  Mynd 11: Myndin sem keypt var á handverkssýningu.  Mynd 12: Drekatréð og myndir af frændsystkinum.  Mynd 13: Hér sést betur hversu hátt er til lofts.    


Hvað hangir á veggjunum?

Ég hef ekki hengt neitt á veggina hér.


Hver saumaði gardínurnar?

Ég sjálf.


Hvaðan koma húsgögnin? Eru þau ný eða notuð (t.d. frá nytjamörkuðum, skyldfólki, keypt sérstaklega fyrir þessa íbúð, voru í fórum þínum áður)?

Ég keypti þau sjálf ný þegar ég flutti að heiman, en sófann fékk ég gefins af Barnalandi.


Eru einhver húsgögn þér kærari eða mikilvægari en önnur? Hvers vegna?

Nei.


Hvað með skraut og smámuni? Vekja þeir upp einhverjar minningar/sögur? Segðu frá þeim.

Mér þykir vænt um allar myndirnar mínar sem eru af litlum frænkum og frændum. Mér þykir líka vænt um kertastjakana mína 4 sem eru frá Iitttala, en mamma mín fékk 2 þeirra fyrir mörgum árum og gaf mér svo, og hina 2 fékk ég jólagjöf frá systkinum mínum. Mér þykir líka mjög vænt um málaða mynd af 2 kindum sem mamma mín gaf mér og hafði keypt á handverkssýningu.


Hér getur þú svarað öllum spurningunum í þessum kafla, nema þeirri fyrstu, í samfelldu máli og algerlega frjálst, ef að þér finnst það betra.

Kafli 5 af 6 - Uppvaxtarheimilið

Segðu frá æsku- og uppvaxtarheimili þínu í grófum dráttum. Hversu margir voru í heimili? Hve stór var íbúðin eða húsið? Var oft flutt á milli staða? Ef svo er, voru sérstakar ástæður fyrir því?

Við vorum 5 í heimili, mamma, pabbi, eldri systir og yngri bróðir. Við bjuggum fyrst í 4 herbergja blokkaríbúð, en ég man lítið eftir því. Þegar ég var 8 ára fluttum við í parhús, á tveimur hæðum með 4 svefnherbergjum. Eina ástæðan fyrir flutningnum er sú að foreldrar mínir vildu komast úr blokk í meira næði.


Að hvaða leyti sækir þú fyrirmyndir til æskuheimilisins í sköpun eigin heimilis? Hvað reynir þú að forðast að taka til fyrirmyndar? Hvernig aðgreinir þú þitt heimili frá æskuheimilinu?

Ég reyni að forðast að hafa muni úr öllum áttum, ég vil hafa mitt heimili núna frekar stílhreint. Ég reyni svo að halda í hefðir mömmu að hafa alltaf heitan kvöldmat og baka um helgar. Helsti munurinn á húsgögnum og slíku eru að húsgögnin á mínu heimili og mínir munir eru frekar bjartari en á æskuheimilinu, og hér eru engar myndir eða skraut á veggjum en það er mikið um það á æskuheimilinu líka.


Hér getur þú svarað öllum spurningunum í þessum kafla í samfelldu máli og algerlega frjálst, ef að þér finnst það betra.

Kafli 6 af 6 - Persónulegar upplýsingar

Viltu að svör þín verði varðveitt ópersónugreinanleg? Ef ekki er tekin afstaða til þessa er litið svo á að ekki sé óskað nafnleyndar.

Já, ég vil að þau verði ópersónugreinanleg.


Mikilvægt er að fá lágmarks upplýsingar um þá heimildarmenn sem óska nafnleyndar. Þeir sem þess óska eru vinsamlegast beðnir um greina frá eftirtöldum atriðum: Kyn: Aldur: Starf: Menntun/í hvaða námi: Fjölskylduhagir: Þjóðerni: Tegund íbúðar:

Kyn: Kvk Aldur: 23 Starf/ menntun/í hvaða námi: 2. árs nemi í hjúkrunarfræði Fjölskylduhagir: Í sambandi Þjóðerni: Íslensk Tegund íbúðar: Stúdíóíbúð.


Þetta aðfang er í Þjóðminjasafni Íslands. Safnið varðveitir um 4 milljónir mynda, um 300 þúsund muni og tæpar 25 þúsund færslur um þjóðhætti. Í húsasafni eru um 40 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.