Leita



Vinsamlega sýnið biðlund
Vantar lýsingu
 Mitt safn

Landfræðileg staðsetning


HeitiBeddi, Hermannabeddi, Rúm
Ártal1930-1945

StaðurLitla-Háeyri
ByggðaheitiFlói
Sveitarfélag 1950Eyrarbakkahreppur
Núv. sveitarfélagSveitarfélagið Árborg
SýslaÁrnessýsla
LandÍsland

GefandiHelga Guðjónsdóttir

Nánari upplýsingar

Númer2011-15-67
AðalskráMunur
UndirskráAlmenn munaskrá
Stærð192 x 68 x 46,5 cm
EfniMálmur, Textíll, Viður
TækniSmíði

Lýsing

Hermannabeddi sem hægt er að leggja saman. Útlagður stendur beddinn á þremur fótum sem eru gerðir úr viðarkrossum á járnhjörum svo þeir séu sveiganlegir. Hvítur textílldúkur úr þykku og sterku tauefni, líkast segldúki, er strekktur á fæturnar með þverspýtum sitt hvoru meginn við endana á beddanum. Tauið hefur greinilega verið þvegið einhvern tímann þar sem sjá má þvottaför í efninu og við það hefur efnið hlaupið og þannig minnkað örlítið. Taubönd eru á endum til að hnýta beddann saman þegar hann er samanlagður. Beddinn er fenginn frá hernum á Kaldaðarnesi og hefur líklegast  komið í Litlu Háeyri eftir stríðslok 1945. 

Munur úr búi Helgu Guðjónsdóttur á Litlu Háeyri (1919-2010). Hún hélt heimili með bræðrum sínum Sigurði og Jóni og bjó svo ein á Litlu Háeyri eftir fráfall þeirra. Helga var menntuð í garðyrkju, leiklist og klæðskerasaum. Hún stundaði nám í Kennaraskóla Íslands og vann sem handavinnukennari í Barnaskólanum á Eyrarbakka. Hún sat í stjórn ungmennafélags og leikfélags á Eyrarbakka í mörg ár. Helga var ógift og barnlaus. 

Þetta aðfang er í Byggðasafni Árnesinga. Fjöldi færslna hjá safninu var í árslok 2010 sem hér segir: Fornleifar 996, munir 6055, myndir í mannamyndaskrá 2771 og myndir í þjóðlífsmyndaskrá 3141.

 

Safnkosturinn er að stærstum hluta skráður í Sarp. Eftir er að yfirfara öll innfærð gögn en fullyrða má að villur séu fáar.


Birting gagna í Sarpi er á ábyrgð viðkomandi safns.