Leita



Vinsamlega sýnið biðlund
EfnisatriðiDaglegt líf, Menntaskóli, Siður
Ártal2010-2014
Spurningaskrá123 Siðir og daglegt líf í Menntaskólanum á Akureyri

StaðurMenntaskólinn á Akureyri
ByggðaheitiBrekkan
Sveitarfélag 1950Akureyri
Núv. sveitarfélagAkureyrarkaupstaður
SýslaEyjafjarðarsýsla
LandÍsland
Kyn / Fæðingarár
heimildarm.
Kvenkyns / 0

Nánari upplýsingar

Númer2015-3-278
AðalskráÞjóðhættir
UndirskráSpurningaskrár - Svör
Sent/Móttekið30.3.2015/17.4.2015
Stærð10 A4
TækniTölvuskrift
Q1: Á hvaða árum varst þú við nám í MA?

2010-2014

 
Q2: Kyn
  • Kona
 
Q3: Fæðingarár

1994

 
Q4: Námsbraut

Félagsfræðibraut

 
Q5: Hvar átt/áttir þú lögheimili (sveitarfélag) meðan á námi stóð?

Akureyri

 
Q6: Hvar bjóst þú á meðan skólaárið stóð yfir?
  • Heimahús
 
Q7: Hvers vegna ákvaðst þú að fara í MA?

Af því að ég bjó á Akureyri og langaði frekar að fara í MA heldur en VMA.

 
PAGE 3: Hefðir
Q8: Hverjar eru/voru helstu hefðir í skólanum að þínu mati? Vinsamlegast segðu frá þessum hefðum (heiti, stund, staður, hvað var gert, hverjir sáu um þær t.d.). Hvað veistu um uppruna þessara hefða?

Fyrsta sem mér dettur í hug eru söngsalirnir. Ég veit nú svosem ekki uppruna hans en þegar foreldrar mínir voru í skólanum voru þeir haldnir auk þess minnir mig að ég hafi heyrt ömmu mína tala um þá frá því að hún var í skólanum. Söngsalirnir byrja alltaf í löngu frímó þar sem konsertmeistari fékk alla nemendur úr Kvosinni og inn langa gang og alveg að skrifstofu skólameistara. Þar er sungið hátt og beðið um að syngja í eina kennslustund. Þegar ég var í 1. bekk sagði nú einn kennari mér að það hefði gerst að skólameistari neitaði söngsal sökum þess að nemendur sungu ekki nógu hátt, en það gerðist aldrei þegar ég var í MA. Einnig var þetta notað til að syngja út frí, til dæmis að fá að fara fyrr heim daginn fyrir jóla- eða páskafrí. Svo þarf að sjálfsögðu að nefna árshátíðina, sem haldin er í kringum 1. desember hvert ár. Þá fyllist Íþróttahöllin af menntskælingum og kennurum og skemmta allir sér saman. Miklar hefðir eru í kringum árshátíðina og á þeim fjóru árum sem ég var í skólanum var hún alltaf með mjög svipuðu sniði. Svo verður líka að nefna það að fjórðu bekkingar mæta í þjóðbúningum. Nemendafélagið sá alltaf um árshátíðina og hjálpast allir nemendur að við það að gera hana sem flottasta.

 
Q9: Tengjast/tengdust einhverjar hefðir eða siðir sérstaklega við heimavist, félög, bekki eða námsbrautir? Ef svo er/var, hvaða?

Eina sem mér dettur í hug voru svokallaðar félagsfræðiárshátíðir, en þær áttu þó ekki að tengjast skólanum, þótt þær gerðu það svo sannarlega. Þá sá einn fjórði bekkur á félagsfræðibraut um að skipuleggja partí, oftast einhversstaðar útí sveit þar sem öðrum nemendum var boðið að koma með.

 
Q10: Hvert er/var viðhorf þitt til vígslu nýnema? Telur/taldir þú hana hafa áhrif á einstaka nemendur, nemendahópinn og/eða skólann? Hvaða áhrif, ef svo er/var?

Áður en ég tók þátt í vígslunni var ég mjög kvíðin fyrir henni en eftir á að hyggja var þetta bara mjög skemmtilegur dagur. Ég hafði heyrt hryllingssögur frá öðrum busavígslum og þótti svo vígslan í MA ekki jafn hræðieg. Ég held að hún geti því miður haft áhrif á nemendur í 1. bekk þar sem það getur reynst erfitt fyrir þau að viðurkenna fyrir 4. bekkingum ef þau vilja ekki gera eitthvað og svoleiðis. Hins vegar fannst mér bekkurinn kynnast mjög vel á þessum degi sem við eyddum saman í byrjun skólagöngu okkar og hristi þetta hópinn vel saman.

 
PAGE 4: Hversdagslíf
Q11: Er/var ákveðin sæta- eða svæðaskipting í kennslustofum, matsal, heimavist eða annars staðar innan skólans? Eftir hverju fer/fór það, ef svo er/var?

Í bekknum sem ég var í í 3. og 4. bekk sátu alltaf allir á svipuðum stað í kennslustofunum. Strákarnir voru þá nánast undantekningalaust á aftasta bekk og ef einhverjar af stelpunum dirfðist til að setjast þar var ekki tekið vel í það, það var hins vegar kannski meira gert í gríni heldur en alvöru. Í Kvosinni er árgöngnum einnig skipt og á hver árgangur sinn stað í Kvosinni. Þegar ég var í 1. bekk þorði ég til dæmis alls ekki að sitjast einhversstaðar annarsstaðar en í 1. bekkja kvosina. Einnig má nefna svokallaða „svala hornið“, þar sem strákar sem þótti svalir í 4. bekk sátu aðallega veggurinn í Kvosinni, en standi einhver hjá honm sér hann vel yfir alla Kvosina og var sá staður vinsæll hjá strákum í 3. bekk.

 
Q12: Eru/voru einhver svæði eða rými í skólanum sem nemendur fara/fóru almennt ekki á? En kennarar? Hvaða svæði, ef svo er/var, og hvers vegna?
Respondent skipped this question
 
Q13: Eru/voru einhverjir ákveðnir staðir utan skólans sem nemendur fara/fóru á ásamt kennara á kennslutíma? Hvaða staðir eru/voru þetta, ef svo er/var, hvað var gert og hvenær dags eða skólaárs?

Ég man eftir að hafa farið á Bláu Könnuna fyrir jól og í Brynju um vorið. Auk þess fórum við í svokallaða skálaferð á Hólavatn í byrjun fyrsta bekkjar og gistum yfir eina nótt.

 
Q14: Hafa/höfðu námsbrautir, félög eða aðrir hópar sérstaka ímynd? Hvaða ímynd og um hvaða hópa er/var helst að ræða?

Já hver námsbraut hafði sína leiðinlegu staðalmynd, að málabrautanemendurnir þurftu ekki að læra, félagsfræðibrautanemandinn væri bara að klippa og líma og nemandi af náttúrufræðibraut gerði ekki annað en að læra sannanir og skilgreiningar.

 
PAGE 5: Hversdagslíf - framhald
Q15: Er/var einhver klæðnaður eftirsóttur af nemendum skólans og/eða einkennandi fyrir þá? Hvaða klæðnaður, ef svo er/var?

Nei ekki eitthvað áberandi, svona fyrir utan það að á Íslandi ganga flestir í fötum úr H&M og Nike skóm.

 
Q16: Telur þú að MA skeri/hafi skorið sig frá öðrum framhaldsskólum á einhvern hátt? Hvernig þá?

Nei ég get nú ekki ímyndað mér það.

 
Q17: Finnst þér að MA eigi/hafi átt meira sameiginlegt með sumum framhaldsskólum fremur en öðrum? Hvaða skólum og hvers vegna?
Respondent skipped this question
 
Q18: Finnst þér að sérstakur andi ríki/hafi ríkt í MA? Hvernig lýsti hann sér, ef svo er/var? Hvað stuðlar/stuðlaði að honum?

Já oftast var góður andi sem ríkti en stundum svolítill hroki gagnvart VMA. Það var þó eitthvað við það að vera í MA sem ég sakna mikið.

 
PAGE 6: Munnleg hefð
Q19: Manst þú eftir sögum eða bröndurum sem gengu á milli nemenda, t.d. um skólann, skólahúsin, próf, einkunnagjöf, eldri nemendur, skólameistara, kennara og annað starfsfólk? Viltu segja frá þessu?
Respondent skipped this question
 
Q20: Hvaða gælunöfn eða skammstafanir eru/voru notuð yfir kennslustofur, byggingar, svæði, kennara og annað starfsfólk?

Möðruvellir - Emmið Hólar - Háið (stofa H8 fékk stundum gælunafnið hate í mínum bekk, veit ekki hvort það fór lengra en það) Gamli skóli - Gjéið

 
Q21: Segðu frá dularfullum fyrirbærum, þjóðtrú eða hjátrú, sem þekkist/þekktist innan skólans (t.d. varðandi próf, útskrift, húsakynni eða yfirnáttúrulegar verur).

Held að flestir séu vissir um að það sé einhversskonar draugagangur í Gamla skóla, ég er allavega ekki viss um að ég myndi vilja vera ein þar eftir myrkur!

 
Q22: Hvaða lög og textar eru/voru sérstaklega tengd MA og við hvaða tækifæri eru/voru þau sungin? Skrifaðu niður þá texta sem þú manst eða upphaf þeirra.

Hesta jói, hann var harður kall af sér, enginn vildi hann á móti sér, ef að einhver skyldi móðga þennan mikla hestamann, myndann skjóta , klappklapp, beint á hann. Heimaleikfimi er heilsubót, hressir mann upp og gerir mann stífan, hvort sem að undir er gras eða grjót, gólfteppi eldhúsborð stóll eða dívan ... og fl. Þessi lög eru í raun sungin við flest tækifæri, á söngsölum, busavígslum, Gettu Betur, Morfís..

 
PAGE 7: Félagslíf
Q23: Í hverju felst/fólst félagslíf nemenda í megindráttum (helstu félög, skemmtanir, viðburðir t.d.)? Hvað einkennir/einkenndi félagslífið sérstaklega?
Respondent skipped this question
 
Q24: Hvernig er/var þátttaka í félagslífinu? Eru/voru einhverjir hópar virkari en aðrir? Hverjir, ef svo er/var? Eru/voru einhverjir hópar útilokaðir og/eða kjósa/kusu að taka ekki þátt? Hvaða hópar?
Respondent skipped this question
 
Q25: Gegna/gegndu bekkir mismunandi hlutverkum á vissum skemmtunum og/eða öðrum viðburðum? Hvaða bekkir og um hvaða uppákomur er/var að ræða?
Respondent skipped this question
 
Q26: Hvaða reglur gilda/giltu um áfengisneyslu?Eru/voru þær virtar (hvers vegna eða hvers vegna ekki)? Hvert er/var viðhorf þitt til þeirra? Hvernig bregðast/brugðust skólayfirvöld við brotum á þessum reglum?
Respondent skipped this question
 
PAGE 8: Félagslíf - framhald
Q27: Eru/voru haldnar skemmtanir í óþökk skólastjórnenda? Hvers konar skemmtanir, ef svo er/var, og hvað kölluðust þær? Hverjir skipuleggja/skipulögðu þessar skemmtanir? Hvar eru/voru þær haldnar og hverjir taka/tóku þátt?
Respondent skipped this question
 
Q28: Getur þú sagt frá tilvikum þar sem hópur nemenda hefur óhlýðnast eða brotið reglur skólayfirvalda? Ef svo er, hvað er/var gert, hvenær og afhverju? (Halda söngsal án leyfis, hindra inngöngu eða útgöngu starfsfólks, mæta ekki í kennslustund t.d.).
Respondent skipped this question
 
Q29: Eru/voru sérstaklega mikil samskipti og/eða rígur á milli MA og einhvers annars skóla? Hvaða skóla og hvernig lýsir það sér?
Respondent skipped this question
 
PAGE 9: Eftir útskrift
Q30: Hvernig upplifðir þú að útskrifast og/eða yfirgefa skólann?
Respondent skipped this question
 
Q31: Átt þú einhverja minjagripi frá veru þinni í skólanum? Hvaða gripi? Hvaða merkingu hafa þessir gripir fyrir þig?
Respondent skipped this question
 
Q32: Hefur þú mætt á Júbileringu eða aðrar samkomur útskrifaðra MA-inga? Hvers vegna hefur þú farið eða ekki farið? Getur þú lýst slíkum samkomum?
Respondent skipped this question
 
Q33: Finnst þér þú vera hluti af hóp sem MA-ingur? Í hverju felst það, ef svo er? Finnur þú til samkenndar þegar þú hittir aðra MA-inga? Getur þú sagt frá þessu?
Respondent skipped this question
 
PAGE 10: Eftir útskrift - framhald
Q34: Hversu áhugasöm/-samur ert þú um samnemendur þína og afdrif þeirra og MA eftir að skólavist lauk? En um skólameistara, kennara og annað starfsfólk? Viltu segja frá þessu?
Respondent skipped this question
 
Q35: Er eitthvað annað sem þú vilt segja frá eða koma á framfæri? (Árshátíð, Skuggi, hrindingar, busun, dimmissio, gleðidagar, keppnir, málfundir, táknmyndir skólans, embætti og titlar nemendat.d.)
Respondent skipped this question     

Þetta aðfang er í Þjóðminjasafni Íslands. Safnið varðveitir um 4 milljónir mynda, um 300 þúsund muni og tæpar 25 þúsund færslur um þjóðhætti. Í húsasafni eru um 40 hús.

 

Áætlað er að um 80-90 % þessara aðfanga sé komin í stafrænan búning, mismunandi eftir tegundum. Einnig er skráningin mismunandi ítarleg og myndir bara við hluta gagnanna.


Birting gagna í Sarpi er á ábyrgð viðkomandi safns.