Leita



Vinsamlega sýnið biðlund
ListamaðurHildigunnur Birgisdóttir 1980-
VerkheitiBlettur (vídeó)
Ártal2011

GreinNýir miðlar - Vídeóverk
Tímalengd00:01:
Eintak/Upplag1/3
EfnisinntakAbstrakt, Marblettur, Stjörnuþoka

Nánari upplýsingar

NúmerLÍ-8886
AðalskráMyndlist/Hönnun
UndirskráAðalskrá, Listaverkasjóður Amalie Engilberts

HöfundarétturHildigunnur Birgisdóttir 1980-, Myndstef

Lýsing

D21 Hildigunnur Birgisdóttir
22. september – 20. nóvember 2011
Hafnarhús

Tilraunakennd verk Hildigunnar Birgisdóttur byggjast gjarnan á leikjum. Leikirnir á reglum og reglur eru kerfi. Kerfi listamannsins eiga rætur sínar að rekja til eðlisfræðilegra fyrirbæra og heimspekilegra vangaveltna um hringrásir og heimskerfi. Þau lúta lögmálum og formfræði leikja og spila. Í leikjum eru reglurnar ófullkomnar, einhver svindlar og sum kerfi ganga alls ekki upp. Þannig er það ekki síður uppbrotin og útfellingarnar sem verkin hverfast um. Hildigunnur á í beinu samtali við alheiminn. Hún mátar sig við heiminn, rennur saman við hann þegar alheimurinn óvænt speglar sig á móti. Niðurstaða samræðunnar og eða samrunans kristallast í verkum þar sem listamaðurinn reynir að festa hönd á frumeindum og sólkerfi þessa heims, sem og hins stafræna, með tungumáli handverksins.
Hildigunnur útskrifaðist frá Listaháskóla Íslands árið 2003 og hefur síðustu ár tekið þátt í fjölda samsýninga og haldið einkasýningar víða um land. Hildigunnur hefur verið virk á ýmsum sviðum menningarinnar, m.a. tekið að sér hlutverk sýningarstjóra og ritstjóra og er einn af stofnendum bókverkaverslunarinnar og útgáfunnar Útúrdúrs.
(Heimild: http://www.listasafnreykjavikur.is/desktopdefault.aspx/tabid-2182/3368_read-1818/3374_view-2880/).

Þetta aðfang er í Listasafni Íslands. Safnið varðveitir rúmlega 13 þús. listaverk eftir rúmlega 800 listamenn og er tæplega helmingur þeirra Íslendingar. Meirihluti verkanna er eftir innlenda listamenn eða um 12 þús. verk. Flest verkanna eru gjafir til safnsins en tæplega fjórðungur safneignarinnar er keyptur.

 

Öll verk í safneigninni eru skráð í stafrænan gagnagrunn sem er aðgengilegur í safninu. Unnið er að skráningu þeirra í Sarp og birtingu upplýsinga á vefnum Sarpur.is.


Birting gagna í Sarpi er á ábyrgð viðkomandi safns.